Eria Okokohọ “Ewhovuẹ Udhedhẹ Ọghẹnẹ” Ọrọ 1996

EVAỌ oke anwae, ahwo Jihova a wo ehaa ilogbo esa nọ a jẹ hai ru evaọ ẹgbukpe. Epọvo na re, evaọ oke onana ahwo nọ Jihova ọ rọ odẹ riẹ se a re kuomagbe isiasa ẹgbukpe kẹ ehaa evawere. O rẹ were ai re a kuomagbe kẹ ẹdẹ okokohọ obọdẹ ẹdẹọvo, okokohọ okogho edivẹ, gbe okokohọ ubrotọ edesa hayo edene. Evaọ enukpe ọnana, uzoẹme okokohọ ubrotọ na họ “Ewhovuẹ Udhedhẹ Ọghẹnẹ.”

Ẹvẹ uzoẹme oyena o nwani fo te! Ọghẹnẹ mai, Jihova, yọ “Ọghẹnẹ udhedhẹ,” ẹhẹ, ‘Ọghẹnẹ nọ ọ rẹ kẹ udhedhẹ.’ Osu mai, Jesu Kristi, yọ ‘Ọmọ-Ovie Udhedhẹ,’ yọ ovuẹ nọ idibo Jihova e be wha re yọ ovuẹ udhedhẹ Ọghẹnẹ. (Ahwo Filipai 4:9; Ahwo Rom 15:33; Aizaya 9:6; Nahum 1:15) A ru ọruẹrẹfihotọ okokohọ obọdẹ fihọ no nọ u ti fiobọhọ kẹ ohwo kpobi wo ovuhumuo vọvọ kpahe epanọ udhedhẹ Ọghẹnẹ u wuzou te.

Enukpe ọnana evaọ Nigeria ọvo, ikokohọ 105 a re ti ru. Ẹsejọhọ okokohọ jọ ọ te jọ kẹle oria ra. Kọ ẹvẹ whọ gbẹ nọ mi Isẹri Jihova nọ e rọ okegbe ra kpahe uzedhe ẹdẹ gbe oria nọ a ti jo ru ei re whọ moma whọ nya ha? Ahwo kpobi nọ i wo isiuru kpahe uvi udhedhẹ nọ o rẹ tọ a ti dede ai rehọ ruọruọruọ.