UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • w13 11/1 ẹwẹ. 3
  • Fikieme Ebaibol na O Jẹ Were Owhẹ Ese?

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Fikieme Ebaibol na O Jẹ Were Owhẹ Ese?
  • Uwou-Eroro Na Nọ U Bi Whowho Uvie Jihova—2013
  • Onọ O Wọhọ E Riẹ
  • Fikieme Who re ro Wuhrẹ Ebaibol Na?
    Uwou-Eroro Na Nọ U Bi Whowho Uvie Jihova—2015
  • Obe nọ A re Wo Otoriẹ Riẹ
    Uwou-Eroro Na Nọ U Bi Whowho Uvie Jihova (Ẹgbede)—2016
  • Kọ Ebaibol na O Ghine No Obọ Ọghẹnẹ ze?
    Whọ Sae Rria Bẹdẹ Bẹdẹ Eva Aparadase Ọ Otọakpọ
  • Ehri Oghẹrẹsa nọ Areghẹ Okpehru U no Ze
    Eme Họ Ẹjiroro Uzuazọ? Ẹvẹ Whọ Sai Ro Duku Ei?
Ruẹ Efa
Uwou-Eroro Na Nọ U Bi Whowho Uvie Jihova—2013
w13 11/1 ẹwẹ. 3

UZOẸME UKE NA | OGHẸRẸ EVUẸ VẸ E RRỌ EBAIBOL NA?

Fikieme Ebaibol na O Jẹ Were Owhẹ Ese?

Ebaibol na họ obe nọ ahwo a mae riẹ evaọ akpọ na soso. Fikieme ma rọ ta ere? Keme u wo ohẹriẹ no ebe efa kpobi. Ma rẹ jọ eva riẹ ruẹ ikuigbe ahwo nọ a rria vrẹ no, oghẹrẹ nọ a ro yerikugbe ohwohwo gbe epanọ Ọghẹnẹ o ro yerikugbe ai. Ma rẹ sai wuhrẹ eware buobu no ikuigbe nana ze keme e rẹ lọlọhọ, yọ a rẹ sae fa ai fihọ evẹrẹ buobu nọ ahwo kpobi a rẹ sai se vevẹ. U te no ere no, ehrẹ Ebaibol na i re kie kpo ho.

Maero na, orọnikọ Ebaibol na o ta kpahe Ọghẹnẹ ọvo ho rekọ yọ obe nọ u no obọ Ọghẹnẹ ze. O ta kpahe odẹ Ọghẹnẹ, oghẹrẹ ohwo nọ ọ rrọ, gbe ẹjiroro riẹ kẹ ahwo-akpọ gbe otọakpọ na. Ebaibol na ọ tẹ jẹ ta kpahe oghẹrẹ nọ Ẹdhọ ọ rọ wọso udu-esuo Jihova gbe epanọ Jihova o ti ro dhesẹ Ẹdhọ fihọ ọtọrue je si eyoma no otọ. Nọ ma te bi se Ebaibol na, ma re wo ẹrọwọ gbe ẹruore.

Ma rẹ jọ obe ofa ruẹ oghẹrẹ evuẹ nọ e rrọ Ebaibol na ha. Wọhọ oriruo, Ebaibol na ọvo ọ ta uzẹme na kẹ omai kpahe:

  • Oghẹrẹ nọ a rọ ma omai gbe oware nọ ma be rọ ruẹ uye

  • Oware nọ Ọghẹnẹ o ru re ma sai wo esiwo

  • Oware nọ Jesu o ru kẹ omai

  • Oghẹrẹ nọ obaro ahwo-akpọ gbe otọakpọ na o te jọ

Ma tuduhọ owhẹ awọ nọ who gbe se haro re whọ riẹ oware nọ Ebaibol na ọ ta kpahe eware nana nọ ma fodẹ na.

EWARE JỌ NỌ U FO NỌ WHỌ RẸ RIẸ KPAHE EBAIBOL NA

  • Uzoẹme riẹ: Oghẹrẹ nọ Uvie Ọghẹnẹ o te rọ wha udhedhẹ gbe ẹrẹreokie ziọ otọakpọ na

  • Eware nọ e riẹe eva: Ẹvẹrẹ Hibru a ro kere ebe 39 (yọ a rọ ẹvẹrẹ Aremia kere umutho jọ evaọ usu enana), a tẹ rọ ẹvẹrẹ Griki kere ebe 27 nọ ikiọkọ

  • Oke gbe enọ i kere i rie: Ezae 40 i kere i rie evaọ oware wọhọ ikpe nọ i bu vi odu ọvo gbe egba ezeza (1,600), no umuo ikpe 1513 B.C.E. rite oware wọhọ 98 C.E.

  • Evẹrẹ: Enẹna a fa omariẹ kpobi hayo abọ riẹ jọ fihọ evẹrẹ nọ i bu vi idu ivẹ gbe egba isoi (2,500) no

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa