Ta Usiuwoma avọ Otoriẹ
1 Re ma wo otoriẹ o gwọlọ nọ ma riẹ oware jọ kpahe ahwo nọ ma be ta usiuwoma kẹ na. Fikieme? Fikinọ obokparọ mai evaọ ẹnyate ubiudu ahwo o roma hwa ẹgba mai nọ ma rọ ta usiuwoma Uvie na evaọ edhere nọ u re si ai urru. Evaọ amara January, ma re ti fi ebe sasa nọ a re ro wuhrẹ Ebaibol họ ada nọ e gbẹ rọ evaọ ukoko na. O gbẹrọ ere he, iwhowho-uvie a ti fi obe na True Peace and Security—How Can You Find It? họ ada. Iroro enana e rẹ sai fiobọhọ.
2 Whọ tẹ sa nọ obe na “True Peace and Security—How Can You Find It?” who bi fihọ ada, whọ rẹ sae riobọhọ uwoho nọ o rọ ẹwẹre-obe avọ 4 na whọ vẹ ta nọ:
◼ “Uwoho onana yọ odhesẹvia oware nọ Ebaibol na o wuhrẹ kpahe ẹjiroro Ọghẹnẹ kpahe akpọ na. Eme who roro nọ o rẹ gwọlọ mi owhẹ avọ uviuwou ra re wha ruẹse rria otọakpọ aparadase? [Kuvẹ kẹ uyo.] Ebaibol na o dhesẹ nọ udhedhẹ uzẹme gbe omofọwẹ a te rue riẹ evaọ akpọ na soso jegbe nọ a ti zihe Aparadase tha. [Se Olezi 37:10, 11.] Obe onana o rẹ sai dhesẹ oware nọ u fo nọ who re ru k’owhẹ re whọ ruẹse wo erere no oware nọ Ọghẹnẹ o ti ru ze. Mẹ gwọlọ nya se obe onana ba k’owhẹ.” Who ve fi obe na họ ada.
3 Okenọ whọ tẹ be rehọ obe na “Making Your Family Life Happy” ro ruiruo, whọ sae t’ẹme wọhọ enẹ:
◼ “Kọ whọ te rọwo nnọ uviuwou ọgbọna ọ rẹriẹ ova ku use-abọ nọ ige nọ e vrẹ no a riẹ kpahe he? [Kuvẹ kẹ uyo.] Emejabọ, evaọ ẹjiroro ra, onana o jẹ be via? [Yere iei kẹ uyo riẹ. Rovie kpohọ je se 2 Timoti 3:1-3.] Uye-eme ọ ‘a re ti yo ẹme enọ i yẹ rai hi’ gbe ‘a wo eva egaga’ u dhesẹ uruemu ahwo buobu evaọ edẹ mai nẹnẹ gbagba. Ghele na, Ọghẹnẹ ọvo na nọ ọ ruaro kpahe ebẹbẹ enana ọ k’omai uvi ọkpọvio kpahe oghẹrẹ nọ a re ro si uviuwou kugbe kpekpekpe.” Se edhe-ẹme no “Enọ I Whowho i Rie” ze evaọ ẹwẹre-obe 2. Fi obe na họ ada.
4 Edhere ọfa nọ a sae rọ rehọ obe na “True Peace and Security—How Can You Find It?” ro ruiruo u re muhọ avọ onọ onana:
◼ “Ahwo buobu nẹnẹ a rọwo nnọ Ọghẹnẹ o ghine wo isiuru kpahe omai ahwo nọ e rọ akpọ họ gbe nnọ o bi ti ru oware ovo kpahe ebẹbẹ nọ e riẹ hẹ. Kọ ere who roro? [Kuvẹ kẹ uyo.] Jo me se oware nọ obe obufihọ uwuhrẹ Ebaibol onana o ta kpahe ẹjiroro Ọghẹnẹ kẹ ohwo gbe akpọ na. [Se edhe-ẹme 1 gbe uye-ẹme ọsosuọ ọrọ edhe-ẹme avọ 2 evaọ ẹwẹre-obe 43.] Jo mẹ t’uzẹme k’owhẹ, Ọghẹnẹ o wo iroro egbagba nọ ọ rọ k’uvẹ kẹ ebẹbẹ nọ e rọ akpọ na. Otẹrọnọ whọ guọlọ wuhrẹ oware nọ oyena o rọ, iviena se obe onana, nọ uzoẹme riẹ o rọ True Peace and Security—How Can You Find It?” Who ve fi obe na họ ada.
5 Whọ tẹ gwọlọ nọ whọ rẹ rehọ obe na “Worldwide Security Under the ‘Prince of Peace’ ” ro ru iruo, whọ sai rovie obe na kpohọ ẹwẹre-obe 4 whọ vẹ nọ inọ:
◼ “Eme ọ be te via kẹ Otọakpọ na? Ahwo buobu a bi roro kpahe onana. Kọ who roro nọ o ti zihe ruọ aparadase ẹdẹjọ?” Yere ọnọ o wo uwou na kẹ uyo na, je se eme emuhọ obe na, who ve fi obe na họ ada.
6 Emamọ otoriẹ u re ru omai vuhu ẹgwọlọ gbe isiuru ahwo nọ ma nyaku. Itẹ 16:23 ọ k’omai imuẹro onana, anọ: “Iroro ohwo nọ o wo areghẹ i re ru eme riẹ kiẹrẹe, ọ rẹ jẹ ta eme nọ e rẹ dhẹruọ ahwo oma.”