Zihe Re Who Siwi Ejọ
1 O rọ oreva Ọghẹnẹ “re ahwo kpobi a wo usiwo, re a ze te riẹ uzẹme na.” (1 Tim. 2:4) Eme ma rẹ sai ru ro fiobọhọ? Ru izihe bro avọ ẹjiroro ewuhrẹ uzẹme na. Eme whọ te ta? Iroro nọ e rọ obotọ na e rẹ sai fiobọhọ k’owhẹ.
2 Okenọ who te bi zihe bru ohwo nọ ọ rehọ obe na “True Peace and Security—How Can You Find It?” whọ sae wariẹ riobọhọ uwoho nọ o rọ ẹwẹre-obe 4 whọ vẹ nọ ọnọ o wo uwou na inọ:
◼ “Nọ whọ wariẹ kiẹ obe nọ mẹ nyase ba k’owhẹ riwi no na je roro kpahe eyaa Ọghẹnẹ ọrọ akpọ aparadase na, ẹvẹ o rọ owhẹ oma kpahe eyaa igbunu enana nọ Ọghẹnẹ ọ yaa kẹ ohwo-akpọ na?” Nọ who te dhesẹ ovuhumuo kẹ uyo ọnọ o wo uwou na jẹ t’ẹme kpẹkpẹ kpahiẹe no, whọ sai si iroro riẹ kpohọ izou 2 gbe 3 rọ kpahe oware nọ o soriẹ nọ omodawọ ohwo kpahe udhedhẹ gbe omofọwẹ, kugbe erọ egagọ, i ro kie no.
3 Whọ tẹ nyase ọnọ o wo uwou na ba bi roro kpahe oware nọ o soriẹ nọ Ọghẹnẹ ọ jẹ k’uvẹ kẹ emuemu, evaọ ozihe bro ra whọ sae mu ẹme na họ inọ:
◼ “Ẹme ọsosuọ mai nọ ma ta kugbe owhẹ nọ ma kake ruẹ oma o were omẹ gaga, oye me je zihe ze re mẹ ruẹ oghẹrẹ nọ who roro kpahe oware nọ o soriẹ nọ Ọghẹnẹ ọ jẹ be k’uvẹ kẹ ukpokpoma gbe ozighi nọ ọrọ akpọ na nẹnẹ. [Kẹ uvẹ kuyo. Rovie, re who je se edhe-ẹme 25 evaọ ẹwẹre-obe 54 evaọ obe na True Peace, kugbe eme nọ a si no 2 Pita 3:8, 9 ze.] Muẹrohọ nọ uzou nọ okẹle riẹ evaọ obe na o nọ onọ, ‘Eme Ọghẹnẹ O Bi Ru Anwọ Ẹdẹ?’ Ma te t’ẹme kpahe uyo onọ oyena kugbe evaọ ezihe tha mẹ oke ọfa.”
4 Whọ sae muẹme họ enẹ nọ who te fi obe na “Making You Family Life Happy” họ ada:
◼ “Okenọ mẹ kaki weze bru owhẹ ze, eva e were omẹ kpahe ororokẹ ra kpahe uviuwou ra. Uzuazọ wọhọ epanọ ma be rriae evaọ edẹ urere eyero omuomu ọnana, u wuzou re iviuwou e ruẹrẹ oma kpahe kẹ obaro. Evaọ abọ ọyena, obe nọ mẹ nyase ba k’owhẹ, Making Your Family Life Happy, u dhesẹ gaga nọ u fo re a hẹ jọ uwou rọ Ebaibol na jiroro kugbe kẹse kẹse. [Se edhe-ẹme 10 evaọ ẹwẹre-obe 185 gbe 186.] Whọ tẹ k’omẹ uvẹ, mẹ gwọlọ nọ mẹ rẹ rehọ iminiti kakao dhesẹ oghẹrẹ nọ ahwo nọ erọ ẹkwotọ nọ i bu te 200 a rẹ rehọ Ebaibol t’ẹme evaọ iwou rai wọhọ uviuwou.” Oke o tẹ riẹ, rehọ eme nọ e rọ otọ uzou ẹme nọ orọ ẹwẹre-obe 71 ro dhesẹ epanọ a re ru uwuhrẹ na.
5 Whọ sae ta enẹ nọ who te fi obe na “Worldwide Security” họ ada:
◼ “Me zihe ze re me gbe dhesẹ haro k’owhẹ kpahe ẹjiroro Ọghẹnẹ kẹ akpọ ọnana.” Rovie kpohọ uwoho nọ orọ ewẹre-obe 172 gbe 173, se Eviavia 21:3, 4, je dhesẹ kpẹkpẹ oghẹrẹ nọ Uvie Ọghẹnẹ o ti ro ru eyaa enana gba. T’ẹme te uvẹ ewuhrẹ Ebaibol ọvọvẹ kẹe.
6 Kareghẹhọ nọ ẹjiroro ozihe bro họ re a mu uwuhrẹ Ebaibol họ. Obe okpokpọ na, Eriariẹ Nọ I Re Su Kpohọ Uzuazọ Ebẹdẹ Bẹdẹ, a nabi ruei re a rehiẹ ru uwuhrẹ. Ma te lele ebe anwae nọ ma fihọ ada je ghine mu uwuhrẹ họ, u re fo re a kpọ iroro kpohọ obe okpokpọ ọnana. Ma ti wo oghọghọ buobu okenọ ahwo nọ i bi wuhrẹ na a te wuhrẹ epanọ a re ro se Jihova kẹ usiwo rai.—Iruẹru 2:21.