Ọruẹrẹfihotọ Ẹdẹ Okokohọ Obọdẹ Kpokpọ
1 “Jọ Ahwo nọ Jihova O Wuhrẹ” họ uzoẹme ọ ọruẹrẹfihotọ ẹdẹ okokohọ obọdẹ nọ u ti muhọ evaọ March. (Jọn 6:45) Ewuhrẹ Ọghẹnẹ nọ o no obọ Jihova ze u re ghine fiobọhọ k’omai rria izuazọ evevọwẹ. O rẹ bọ emamọ ovuhumuo ukuoriọ ẹzi họ omai oma. Omodawọ mai re ma fiobọhọ k’amọfa re a yo emamọ usi na u re ru omai fihọ emamọ ahwo evaọ okegbe. Ẹdẹ okokohọ obọdẹ ọnana o ti fi elo họ eghale nọ ahwo nọ Jihova o wuhrẹ a be reawere rai.
2 Ọruẹrẹfihotọ na o ti fi ohẹriẹ họ irere ewuhrẹ Ọghẹnẹ gbe enwoma ewuhrẹ ohwo-akpọ. Ma te gbẹ ruẹ haro vevẹ epanọ Jihova ọ be rọ kẹ oghẹrẹ ewuhrẹ nọ ọ mai kpehru—ewuhrẹ nọ o no Ẹme riẹ, Ebaibol na ze. A ti fiẹgba họ eria egagọ esa nọ ma rẹ jọ wo omawere nọ Ọghẹnẹ o te wuhrẹ omai. Ofariẹ, a te tudu họ izoge awọ re a raro kele iriruo Ebaibol nọ e mai wuzou wọhọ ọrọ Devidi gbe Timoti re a jẹ bọ izuazọ rai wariẹ iruẹru ẹzi. A te bọ ẹrọwọ mai ga nọ a ti fi elo họ omarokpotọ ahwo nọ e kpako no na. Ahwo kpokpọ nọ e rehọ oma mudhe no nọ i te a te họ-ame. Taure ẹdẹ okokohọ na o te ti te, u fo re a kake vuẹ ọsẹro ukoko na kpahe ẹgwọlọ rai.
3 Ẹmeọta nọ ọ mai wuzou evaọ ẹdẹ okokohọ obọdẹ na o wo uzoẹme ọ “Jihova O Wuhrẹ Omai re Ma Ru Oreva Riẹ.” U ti fiẹgba họ oware nọ o soriẹ nọ u je fo re mai kpobi a gbẹ hae wuhrẹ, re ma kpomamu evaọ ẹrọwọ na, gbe re ma gbẹ hae ru ẹnyaharo. A te k’omai ohrẹ re ma raro kele Jihova ẹkwoma uzẹme nọ u re su kpohọ uzuazọ ebẹdẹ bẹdẹ nọ ma re ro wuhrẹ amọfa. A ti fi irimuo nọ e rẹ tudu họ ohwo awọ gbei ro dhesẹ epanọ ebe Ukoko na i ro fiobọhọ kẹ ahwo no re Jihova o wuhrẹ ai. A ti fi elo họ irere nọ ọruẹrẹfihotọ ewuhrẹ Jihova o rugba no.
4 Ma emamọ oma-iruo re whọ nya. Tudu họ ahwo nọ i wo isiuru kpobi awọ re a jariẹ. Rri kpohọ obaro nọ Owuhrẹ Ologbo mai o ti wuhrẹ omai emamọ eware buobu.—Aiz. 30:20.