Ọruẹrẹfihotọ Ẹdẹ Okokohọ Obọdẹ Ọkpokpọ

‘Ru Eware Kpobi Fiki Usiuwoma Na’ họ uzoẹme ọ ọruẹrẹfihotọ ẹdẹ okokohọ obọdẹ ọkpokpọ na nọ u ti muhọ evaọ March. (1 Kọr. 9:23) Emamọ usi Uvie na họ usi nọ o mai w’uzou nọ a bi yo nẹnẹ na. Ọruẹrẹfihotọ na u ti fiobọhọ k’omai wo ovuhumuo uvẹ oghẹrẹsa nọ ma wo nọ ma rọ rrọ ewhowha ọ usi ugbunu onana. O te jẹ k’omai udu re ma gbẹ hai whowho emamọ usi na ababọ eriosehọ.—Iruẹru 5:42.

Ọruẹrẹfihotọ na u ti dhesẹ k’omai oghẹrẹ nọ ma rẹ rehọ ewuhrẹ Ọghẹnẹ mai ruiruo vọvọ re ma sai ru iruo nọ e mai bu evaọ odibọgba na. Ma ti yo mi ahwo jọ nọ a ru inwene no re a ru iruo rai kẹre, te izoge nọ e be dao ẹgba rai kpobi re a whowho emamọ usi na haro.—Wawo Ahwo Filipai 2:22.

Oviede ẹme na, nọ ọtota ọrara ọ te ta na, u ti fiẹgba họ ẹgwọlọ nọ ma re gbe ro te re a “rehọ usiuwoma na họ obọ mai.” (1 Tẹs. 2:4) A ti fiobọhọ k’omai re ma ruẹ nnọ re ma sae yọrọ uvẹ ọ ẹghale kugbe amọfa ọrọ emamọ usi na, kiyọ ma rẹ gbẹ hae nyate ẹgwọlọ gbe ute Ọghẹnẹ evaọ iroro gbe uruemu. A ti je dhesẹ eghale nọ ma re wo no eruo onana ze vevẹ.

Jọ obọdẹ ọruẹrẹfihotọ ọnana o vrẹ owhẹ hẹ. Enọ e rọ oma mudhe obọ nọ e gwọlọ họ-ame evaọ ẹdẹ okokohọ obọdẹ na a rẹ vuẹ ọsẹro ukoko obọnana. Zizie ahwo nọ who bi wuhrẹ obe kugbe kpobi re a nya. J’oma kẹ Jihova uvẹ re ọ bọ omai ga re ma ru eware kpobi fiki emamọ usi na ma vẹ jẹ rehọ ere ru iruo nọ e mae rro kpobi na gbunu evaọ abọ obonẹ Amagẹdon na.