Omaa Okpokpọ orọ Ẹdẹ Okokohọ Obọdẹ

Ọruẹrẹfihọ edẹ okokohọ obọdẹ o muhọ evaọ ukpe ọ 1987. Omaa okokohọ ẹdẹ ọvo ọnana o rrọ ọbọga kẹ idibo Jihova gbe enọ i wo isiuru nọ e nyaze. Muhọ evaọ February 1999, omaa okpokpọ orọ edẹ okokohọ obọdẹ u ti muhọ. Whọ te ruẹ nọ eme izii na gbe ekiẹriwo gbe eware nọ e via sa-sa na e te k’owhẹ erere abọ-ẹzi.

“Dhesẹ Ovuhumuo kẹ Emẹjẹ Jihova” họ uzoẹme ọruẹrẹfihotọ ọkpokpọ na. (Aiz. 65:14; 1 Kọr. 10:21) O te bọ ọtamuo mai ga inọ egagọ mai kẹ Jihova e rẹ rehọ oria ọsosuọ evaọ izuazọ mai. (Ol. 27:4) Ẹme ọsẹro okogho na o te ta kpahe “Ẹkiẹriwo Ẹjiroro Idu Mai” kpahe iwuhrẹ enya. Ọtẹme ọrara o ti dhesẹ k’omai kpahe epanọ ma sae rọ “Yọrọ Edikihẹ Abọ-Ẹzi Ẹkwoma Emu-Ọriọ eva Emẹjẹ Jihova.” A te jẹ rehọ obọdẹ uduotahawọ kẹ izoge nọ e rrọ ukoko Jihova re a yọrọ edikihẹ rai ga evaọ Ọghẹnẹ ọgọ. Ugogo ẹme ọ ọrara na, onọ o ta nọ “Ẹbọga Abọ-Ẹzi re A Se Isẹri ọ Aruọwha,” o ti dhesẹ epanọ eruẹrẹfihotọ nọ a ru ẹkwoma ukoko na i re ro fiobọhọ k’omai se-isẹri aruọwha kpahe Uvie na. Ono ọ te gwọlọ wo erere no omaa onana ze he?

Ahwo ọkpokpọ nọ a rọ oma rai mudhe no nọ e gwọlọ họ-ame a rẹ vuẹ ọsẹro ukoko na ababọ okioraha. Ma wo udufihọ inọ nọ ma bi muọ ukpe avọ 12 ọrọ ọruẹrẹfihotọ ẹdẹ okokohọ obọdẹ họ na, jọ ohwo kpobi nọ ọ te nya o wo ọbọga abọ-ẹzi rọkẹ iruo nọ e rrọ obaro na.