Emamọ Usi Evaọ Internet Na

Evaọ oge eware-ikuo mai na, ahwo jọ a be jọ ekwakwa ẹlẹtriki rai wo evuẹ nọ i kugbe Internet. Fikiere Ukoko-Ulogbo o fi evuẹ egbagba jọ kpahe erọwọ gbe iruẹru Isẹri Jihova họ eva Internet na no.

Oria Internet mai u wo adrẹse ọ http://www.watchtower.org yọ u wo ebe-evẹvẹ mai buobu, ibroshọ, gbe izoeme Uwou-Eroro gbe Awake! evaọ Oyibo, Chinese (Onọ a ru lọhọ), German, Russian, gbe Spanish, jegbe evẹrẹ efa. Ebe nọ e rọ Oria onana yọ enọ e rọ ikoko na nọ ma be hae rọ ta usiuwoma na. Ẹjiroro Oria mai na họ, orọnikọ re ma siobọno ebe ekpokpọ họ, rekọ re ma rọ edhere ẹlẹtriki dhesẹ ovuẹ mai via kẹ ẹgbede. U du fo re ohwo jọ o fi evuẹ họ Internet na kpahe Isẹri Jihova, iruẹru mai, hayo erọwọ mai hi. Oria nọ a ruẹrẹhọ k’omai na u dhesẹ evuẹ egbagba rọ kẹ ohwo kpobi nọ ọ gwọlọ riẹ.

Dede nọ oria mai na o kẹ uvẹ nọ a re ro vi evuẹ ẹlẹtriki hi (E-mail), o kẹ adrẹse iwou-egha nọ e rọ akpọ na kpobi. Fikiere ahwo a rẹ sai kere re a wo evuẹ efa hayo re Isẹri nọ e rọ ekẹloma a nya te ai oma kẹ obufihọ. Fodẹ adrẹse Internet obehru na kẹ ohwo kpobi nọ u je owhẹ ọnọ ọ gwọlọ muọ uzẹme Ebaibol na họ ewuhrẹ no oria onana ze.