Isukulu Odibọgba Ọghẹnẹ ọrọ 1998 Na

Re a kp’isukulu u dhesẹ nọ re “a wuhrẹ ohwo hayo re a fi ugogo eriariẹ hayo ona jọ họ iroro ohwo.” Ẹkwoma Isukulu Odibọgba Ọghẹnẹ na, a bi wuhrẹ omai eriariẹ Ọghẹnẹ na ẹsikpobi. Ofariẹ, abọ nọ ma re wo evaọ isukulu nana o rẹ lẹliẹ omai wo ona ẹme-ọta gbe ewuhrẹ. Oma isukulu ọrọ 1998 na o k’omai uvẹ buobu re ma ru ẹnyaharo ẹzi.

Nọ who te muẹrohọ oma isukulu ukpe n’otha na, who ti muẹrohọ nọ evaọ otiẹse a rẹ rehọ Ẹme Avọ 3 ro no obe ọ Okugbe Evaọ Egagọ na ze. Ofariẹ, a ku obe ọ Evawere Uviuwou kugbe oma-ewuhrẹ ọrọ 1998 na, yọ Ẹme Avọ 3 gbe ọrọ Avọ 4, i ti noi ze othotha. Oke kpobi nọ a tẹ be rọ obe ọ Evawere Uviuwou na ro ru Ẹme Avọ 4, oniọvo ọmọzae o re ru ei wọhọ ẹme nọ a rẹ ta kẹ ukoko na. Yọ, wọhọ ekareghẹhọ, ohwo ọvo o re ru vrẹ oke evaọ oma isukulu na ha.

Oma Okpokpọ: Rọkẹ erere obọ mai, “Ofiba Oma Isase Ebaibol” o rọ ebrakẹte evaọ aro inọmba ole ọ k’oka k’oka na. Dede nọ a rehọ abọ ọvuọvo oma isukulu ẹkpoka na noi ze he, fi ei họ ute ra re whọ nya lele iei. Onana u ti fiobọhọ k’owhẹ wo uruemu isase Ebaibol kẹdẹ kẹdẹ otẹrọnọ who ti mu ere họ eruo no vẹre he.

Rọkẹ evuẹ efa kpahe eme nọ a ti ru, ithubro, gbe ọkiẹriwo okerefihotọ, iviena r’oma t’otọ se ehrẹ nọ e rọ “Oma Isukulu Odibọgba Ọghẹnẹ ọrọ 1998” na, jegbe Odibọgba Uvie Mai ọrọ October 1996 ẹwẹ-obe avọ 3 na.

Otẹrọnọ who ti kere odẹ ra fihọ Isukulu Odibọgba Ọghẹnẹ na ha, ma zizie owhẹ re who kere odẹ ra enẹna. Isukulu oghẹrẹsa nana u gbe bi wo abọ ologbo evaọ ewuhrẹ idibo omarokpotọ gbe omarọkẹ Jihova re a te viere wọhọ egbodibo riẹ.—1 Tim. 4:13-16.