Isukulu Odibọgba Esuo-Ọghẹnẹ ọrọ 2002
1 Ahwo buobu a re rri ẹgba ẹmeọta vo. Dede na, ẹmeọta yọ okẹ nọ u no obọ Jihova ze. O rẹ k’omai uvẹ nọ ma re ro lele amọfa t’ẹme jẹ ta iroro mai via. Maero, ma rẹ sae rehọ iẹ jiri Ọghẹnẹ mai.—Ol. 22:22; 1 Kọr. 1:4-7.
2 A bi wuhrẹ ezae, eyae, gbe emaha evaọ Isukulu Odibọgba Esuo-Ọghẹnẹ na re a whowho odẹ Jihova. (Ol. 148:12 13) Ọruẹrẹfihotọ isukulu ọ 2002 na o ta kpahe izoẹme Ebaibol buobu nọ ma rẹ sai wo erere no ze je ro ruiruo evaọ odibọgba na. Ẹkwoma oma-oruẹrẹhọ kẹ isukulu na gbe obọ nọ ma rẹ jariẹ wo, ma rẹ sai ru eriariẹ gbe ona mai rro haro wọhọ otu ọ iwuhrẹ Ẹme Ọghẹnẹ.—Ol. 45:1.
3 Se Ebaibol na Kẹdẹ Kẹdẹ: Otẹrọnọ Ebaibol ọ kẹle omai oma ẹsikpobi, ma rẹ sae rehọ uvẹ nọ ma wo kpobi ro sei. Uvẹ ọ iminiti jọ kakao ọvo ibuobu mai i wo nọ a rẹ sai ro ruiruo evaọ edhere nana. Ẹvẹ o rẹ kẹ erere te re a se i, o tẹ kao, ẹwẹ-obe ọvuọvo kẹdẹ kẹdẹ, onọ u re ru nọ a sae rọ nya te omaa isase Ebaibol nọ a ruẹrẹhọ omaa isukulu na!—Ol. 1:1-3.
4 Ẹgba nọ a re ro se Ebaibol ziezi o rẹ sai fiobọhọ k’omai nyate idu enọ e be gaviezọ k’omai jẹ kẹ ae ọwhọ re a jiri Jihova. Jọ inievo nọ i re ru Ẹme avọ 2 evaọ isukulu na a wuhrẹ, wuhrẹ, wuhrẹ ese dovia ẹme na. Ọsẹro isukulu na o re jiri ai jẹ j’iroro kẹ ae kpahe epanọ a sai ro ru isase na woma viere.
5 Rehọ Obe ọ Ọzae nọ Ọ Mae Rro gbe Evawere Uviuwou na ro Ruiruo: A rehọ Ẹme Avọ 3 ro no obe ọ Ọzae nọ Ọ Mae Rro na ze, a tẹ rehọ Ẹme Avọ 4 ro no obe ọ Evawere Uviuwou ze. Ẹsejọhọ ibuobu mai jọ e rẹ sai roro kpahe eroruiruo uvi okwakwa obufihọ nana viere evaọ iruo odibọgba na. Inievo-emetẹ na e rẹ salọ oghẹrẹ ẹkeria ẹmeọta nọ o fo ẹkwotọ na ziezi. Ọsẹro isukulu na o re muẹrohọ epanọ a bi wuhrẹ jẹ rehọ Ikereakere na ruiruo.
6 Jọ Isukulu Odibọgba Esuo-Ọghẹnẹ na i fiobọhọ k’omai kpobi re ma gbẹ rehọ okẹ ẹmeọta nọ Ọghẹnẹ ọ k’omai na ruiruo ro whowho emamọ usi na je jiri Ọghẹnẹ ologbo mai, Jihova!—Ol. 34:1; Ẹf. 6:19.