Uzẹme na Kpahe Uvie Ọghẹnẹ
Jesu o wuhrẹ ilele riẹ re a lẹ inọ: “Ọsẹ mai nọ ọ rrọ obọ idhiwu na, jọ odẹ ra o jọ fuafo. Jọ Uvie ra o ze. Jọ oreva ra u rugba evaọ otọakpọ na, wọhọ epanọ o rrọ evaọ obọ odhiwu.” (Matiu 6:9, 10) Eme họ Uvie Ọghẹnẹ? Eme u bi ru? Kọ fikieme ma jẹ lẹ re Uvie na o ze?
Jesu họ Ovie Uvie Ọghẹnẹ.
Luk 1:31-33: “Who re se odẹ riẹ Jesu. Ọ te jọ ruaro, yọ a ti sei Ọmọ Ọnọ Ọ Mai Kpehru na, yọ Jihova Ọghẹnẹ ọ te kẹe agbara-uvie Devidi ọsẹ riẹ, ọ te jọ Ovie nọ o ti su uwou Jekọp bẹdẹ bẹdẹ, yọ Uvie riẹ u ti wo oba ha.”
Uvie na Jesu ọ jẹ ta usi uwoma kpahe.
Matiu 9:35: “Jesu ọ tẹ jẹ nya ikpewho gbe iwhre kpobi duwu, bi wuhrẹ evaọ isinagọgo rai jẹ be ta usi uwoma Uvie na, yọ o bi siwi oghoghẹrẹ eyao kpobi gbe oghoghẹrẹ emo kpobi.”
Jesu ọ kẹ ilele riẹ oka nọ u ti fiobọhọ kẹ ae riẹ okenọ Uvie na o te rọ ze.
Matiu 24:7: “Keme orẹwho o te kpareso orẹwho, uvie o te kpareso uvie, yọ no oria ruọ oria ohọo u ti mu, etọ i ti nuhu.”
Ilele Jesu a be ta usi uwoma Uvie na evaọ akpọ na soso nẹnẹ.
Matiu 24:14: “Yọ a te ta usi uwoma Uvie na evaọ akpọ na soso re o jọ isẹri kẹ erẹwho na kpobi, kẹsena urere na o vẹ te ze.”