United by Divine Teaching —Ẹkiẹriwi Uvi Okugbe Inievo

Ọsẹro okogho jọ o lele oniọvo jọ kpohọ uwuhrẹ Ebaibol nọ a je ru kugbe aye jọ nọ o ti mu iwuhrẹ ukoko họ ẹnya ha. O te ziezi aye na re o rri ividio na United by Divine Teaching. Oka oyena o te kpohọ ewuhrẹ jẹ ta nọ eva e were riẹ gaga nọ o kpohọ ewuhrẹ na. Fikieme ividio nana i je wo iyẹrẹ ekpakpata itiena? Odhesẹvia okugbe inievo ọghaghae mai nọ ọ ruẹ evaọ udevie akpọ ozighi, nọ ọ vọ avọ omukpahọ na ọ were riẹ.—Jọn 13:35.

Rri ividio nana re whọ ruẹ je roro kpahe udhedhẹ gbe uyoyou nọ a be reawere rai evaọ udevie Isẹri Jihova wariẹ akpọ na họ. Kẹsena who ve roro kpahe enọ enana:

(1) Fikieme “Ewuhrẹ Ọghẹnẹ” ọ rọ jọ uzoẹme nọ u fo kẹ okokohọ 1993-1994 na?—Mae. 4:2.

(2) Eme uzẹme Ebaibol u dhesẹ kẹ iviuwou jọ no? Eme u dhesẹ k’owhẹ no re?

(3) Fikieme u je wuzou re Jihova o wuhrẹ ohwo?—Ol. 143:10.

(4) Didi use-abọ a re fi kparobọ hrọ re a sae ruẹrẹ oma kpahe kẹ ikokohọ akpọ-soso?

(5) Ẹvẹ whọ rọ ruẹ erugba Olezi 133:1 gbe Matiu 5:3 evaọ ikokohọ Ileleikristi nọ who kpohọ no?

(6) Didi imuẹro ẹgbede e riẹ kpahe okpomahọ ọgaga ọrọ ewuhrẹ Ọghẹnẹ?—Evia. 7:9.

(7) Ọvẹ họ ame-ọhọ Ileleikristi uzẹme nọ ahwo riẹ a mai bu kpobi?

(8) Eme ọ Maeka, Pita, gbe Jesu vẹ i bi rugba evaọ udevie Isẹri Jihova?

(9) Eme o dhesẹ k’owhẹ nọ uviuwou ahwo-akpọ ọrọ evawere gbe okugbe yọ oware ewezẹ gheghe he?

(10) Amono who ti dhesẹ ividio nana kẹ, kọ fikieme?

Nọ o rri ividio nana no, oniọvo-ọmọtẹ jọ ọ gba ẹme na ekru ziezi anọ: “Ividio na i ti fiobọhọ gaga k’omẹ kareghẹhọ nnọ inievo Ileleikristi buobu wariẹ akpọ na họ a be rọ omarokpotọ gọ Jihova obọnana nọ ma be t’ẹme na. . . . Ẹvẹ okugbe inievo mai ọ ghare te!”—Ẹf. 4:3.