Ividio nọ A rẹ rọ Oma Totọ Rri je Roro Kpahe Ziezi
“Ividio nana e rẹ ginẹ lẹliẹ ohwo roro!”
“U duobọ te omẹ udu!”
“O lẹliẹ otuekpahe fi omẹ oma!”
1 Kọ enẹ o jọ owhẹ oma evaọ oke ọsosuọ nọ who ro rri ividio na Young People Ask—How Can I Make Real Friends? Evaọ ikpe jọ nọ e vrẹ, uzuazọ oniọvo-ọmọzae jọ o jọ whọhọ whọhọ fiki oghẹrẹ egbẹnyusu nọ o je lele. A ru rie nọ o gbe wo isiuru kẹ uzẹme na ha, jẹ lẹliẹ usu riẹ kugbe Jihova raha. U kri hi, a te si obọ no ividio Real Friends (Emamọ Egbẹnyusu) na. O kere nọ: “Nọ me bi dhe ividio na erieriwi na, irui-oviẹ i te su no omẹ aro ze. Me yere Jihova kẹ obufihọ ẹruoke nana nọ ọ kẹ na.” Ividio na e wọ riẹ ru inwene nọ i fo evaọ uzuazọ riẹ, je mu usu kugbe oghẹrẹ egbẹnyusu nọ i fo. O fibae nọ: “U re vevẹ inọ wha ginẹ riẹ oware nọ izoge na e be rẹriẹ ovao dhe.” Whai esẹgbini gbe izoge na, kọ wha gbẹ daoma wariẹ rri ividio na eva ewuhrẹ uviuwou rai notha? Nọ wha te rri abọ ọvuọvo no, wha vẹ dobọji tao re wha rọ enọ nọ e rrọ obotọ na tẹme kugbe no udu ze taure wha te ti rri abọ nọ o kiọkọ haro.
2 Emuhọ Ividio Na: Oghẹrẹ ohwo vẹ a re dhesẹ wọhọ emamọ ogbẹnyusu?—Itẹ 18:24.
3 Ezadhe kẹ Usu: Ẹvẹ whọ sai ro fi iroro ọ a bi se omẹ gboma ha kparobọ? (Phil. 2:4) Fikieme u je fo nọ who nwene iruemu ra jọ, kọ ono ọ rẹ sai fiobọhọ k’owhẹ ru ere? Eme o ti rovie uvẹ fihọ nọ who re ro mu egbẹnyusu efa, kọ diẹse whọ jẹ sae ruẹ e rai?—2 Kọr. 6:13.
4 Usu Kugbe Ọghẹnẹ: Ẹvẹ whọ sai ro mu usu okpekpe kugbe Jihova, kọ fikieme ere oruo u ro fo oware nọ ma re ru? (Ol. 34:8) Ono ọ rẹ sae ginẹ bọ usu ra kugbe Ọghẹnẹ ga?
5 Ekpehre Egbẹnyusu: Oghẹrẹ ahwo vẹ a rẹ sai dhesẹ wọhọ ekpehre egbẹnyusu? (1 Kọr. 15:33) Ẹvẹ ekpehre egbẹnyusu e sai ro su ohwo kpohọ omonwa abọ-ẹzi? Eme ikuigbe Ebaibol kpahe Daina u wuhrẹ owhẹ?—Emu. 34:1, 2, 7, 19.
6 Oriruo Oke Mai Na: Ẹvẹ ọkora nọ Tara ọ jọ o ro kpomahọ iẹe? Didi unoma o gu inọ o lẹliẹ e riẹ ku usu gbe izoge nọ e rrọ ukoko ho? Kọ enwoma vẹ a fi rie họ? Fikieme ọsẹgboni riẹ a gbe mu ẹro họ enwoma nọ ọmọ na ọ jọ họ, kọ didi uruemu ọsẹgboni na a dhesẹ nọ a sai ro fiobọhọ kẹ ọmọ na wariẹ wo edikihẹ abọ-ẹzi riẹ? Ẹvẹ oniọvo-ọmọtẹ jọ nọ ọ rrọ ọkobaro o ro dhesẹ nọ ọ ginẹ rrọ uvi ogbẹnyusu kẹ Tara? Fikieme Ileleikristi e jẹ kezọ kẹ uthubro nọ o rrọ Itẹ 13:20 gbe Jerimaya 17:9? Didi oware jọ nọ u wuzou Tara o wuhrẹ noi ze?
7 Ekuhọ: Eme who wuhrẹ no ividio nana ze? Ẹvẹ whọ sae rọ rehọ iẹe fiobọhọ kẹ amọfa?—Ol. 71:17.