UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 12/02 ẹwẹ. 8
  • Kọ Whọ Rẹ Zọhọ Fihọ Iyẹrẹ Iruo Usiuwoma Ota Egbagba?

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Kọ Whọ Rẹ Zọhọ Fihọ Iyẹrẹ Iruo Usiuwoma Ota Egbagba?
  • Odibọgba Uvie Mai—2002
  • Onọ O Wọhọ E Riẹ
  • Ẹkpẹti Onọ
    Odibọgba Uvie Mai—1997
  • Fi Obọ Họ kẹ Ọsẹro Uwuhrẹ Obe Ukoko Ra
    Odibọgba Uvie Mai—2002
  • Egbodibo Usi Uwoma Na
    A Koko Omai Họ Re Ma Ru Oreva Jihova
  • Epanọ Esẹro ọ Uwuhrẹ Obe Ukoko A Re Ro Dhesẹ Isiuru
    Odibọgba Uvie Mai—2002
Ruẹ Efa
Odibọgba Uvie Mai—2002
km 12/02 ẹwẹ. 8

Kọ Whọ Rẹ Zọhọ Fihọ Iyẹrẹ Iruo Usiuwoma Ota Egbagba?

1 Ikuigbe Ebaibol buobu i wo ugogo inọmba, enọ i re fi obọ họ dhesẹ oware nọ o via vevẹ. Wọhọ oriruo, Gidiọn avọ ezae 300 ọvo a fi evuẹ Midian kparobọ. (Ibr. 7:7) Ẹnjẹle Jihova o kpe isoja 185,000 erọ Asiria. (2 Iv. 19:35) Eva Pẹntikọst 33 C.E., oware wọhọ ahwo 3,000 a họ-ame, yọ u kri hi unu ọ enọ e rọwo u te bu te 5000. (Iruẹru 2:41; 4:4) Ro no ikuigbe nana ze, u muẹro nnọ idibo Ọghẹnẹ erọ oke anwae a dawo oma gaga re a koko iyẹrẹ egbagba họ.

2 Ukoko Jihova nẹnẹ o be hrẹ omai re ma n’iyẹrẹ usiuwoma ota mai k’amara k’amara. Ẹmeoyo mai kẹ ọruẹrẹfihotọ nana avọ ẹrọwọ o rẹ zọhọ fihọ emamọ ẹruọsa ọrọ iruo usiuwoma ota na. Iyẹrẹ e sai dhesẹ nnọ abọjọ odibọgba na ọ gwọlọ ẹromuhọ hayo inọ a gwọlọ iruiruo efa evaọ abọjọ akpọ na. Evaọ ukoko na, iyẹrẹ usiuwoma ota i re fi obọ họ kẹ ekpako na vuhu ahwo nọ a wo ẹgba nọ a sai ro ru odibọgba rai kẹre viere jegbe ahwo nọ a sae gwọlọ uketha. Yọ iyẹrẹ kpahe ẹnyaharo ọrọ iruo usiuwoma ota Uvie na e rẹ kẹ okugbe-inievo Ileleikristi na soso uduotahawọ. Kọ who bi ru ẹkabọ ra re whọ zọhọ fihọ ekokohọ iyẹrẹ egbagba?

3 Owha-Iruo Omobọ Ra: Evaọ udevie gbe urere ọ amara, kọ o rẹ jọ bẹbẹ k’owhẹ re whọ kareghẹhọ iruo ra evaọ odibọgba na? O tẹ rrọ ere, evaọ oke kpobi nọ who kpohọ usiuwoma, eme who gbe kere iruo ra fihọ otọ họ? Ahwo jọ a re kere fihọ ukeledẹ hayo omobe. Amọfa a rẹ wha ẹwẹ-obe ọ iyẹrẹ usiuwoma ota ufofe lele oma. Evaọ udevie gbe urere amara na, siobọno iyẹrẹ ra kẹ ọsẹro uwuhrẹ obe ukoko ra ababọ oke oraha. Hayo, o tẹ were owhẹ, whọ sai fi iyẹrẹ ra họ ẹkpẹti iyẹrẹ nọ ọ rrọ Ọgwa Uvie na. Otẹrọnọ o thọrọ owhẹ ẹro nọ who gbe siobọno iyẹrẹ ra ha, nya bru ọsẹro uwuhrẹ obe ukoko ra, viukpenọ whọ rẹ hẹrẹ iẹe re ọ ta kẹ owhẹ tao. Iyẹrẹ ra nọ whọ rẹ rọ unevaze siobọno u re dhesẹ adhẹẹ kẹ ọruẹrẹfihotọ Jihova gbe ọdawẹ oyoyou rọkẹ inievo nọ a kẹ iruo iyẹrẹ nọ a re mi je roro-kugbe na.—Luk 16:10.

4 Iruo ọ Ọsẹro Uwuhrẹ Obe Ukoko Na: Wọhọ othuru-igodẹ nọ ọ fiọfiọ ẹro je wo ọdawẹ, ọsẹro uwuhrẹ obe ukoko na o re wo isiuru kpahe iruẹru utu na evaọ amara na soso. (Itẹ 27:23) Ọ rẹ riẹ sọ owhowho-uvie kpobi o bi w’obọ ziezi kẹse kẹse avọ oghọghọ yọ o rẹ vẹrẹ iẹe obọ re ọ kẹ uketha otẹrọnọ ohwo jọ o re ti w’obọ evaọ amara soso ho. Ẹme uduotahawọ, iroro-ejẹ nọ i re w’iruo, hayo uzizie re a lele ei kpohọ usiuwoma ota ọvo họ oware nọ o rẹ gwọlọ ẹsibuobu.

5 Evaọ urere amara na, ọsẹro uwuhrẹ obe ukoko na ọ rẹ ruẹ nnọ ahwo kpobi nọ a rrọ utu na a ru owha-iruo rai gba re a n’iyẹrẹ iruo rai re okere-obe na ọ sai vi iyẹrẹ egbagba ukoko na kpohọ obọ uwou-ogha evaọ edẹ ezeza amara nọ o lele i rie. Nọ urere amara u te bi te no, o rẹ sae jọ obufihọ rọ kẹ e re ọ kareghẹhọ utu na, maero kọ enọ e n’iyẹrẹ ọ udevie amara ha, je ru re ewẹ-obe iyẹrẹ usiuwoma ota na i te ahwo obọ evaọ oria uwuhrẹ obe ukoko na. Otẹrọnọ iyẹrẹ usiuwoma ota e rẹ thọrọ ahwo jọ ẹro, ọ rẹ sae kẹ ekareghẹhọ gbe uduotahawọ nọ u fo.

6 Iyẹrẹ usiuwoma ota mai nọ ma re siobọno ẹruoke o rẹ zọhọ fihọ ekokohọ iyẹrẹ egbagba nọ i re dhesẹ omodawọ nọ a ru evaọ usiuwoma ota na. Kọ who ti ru ẹkẹ abọ ra ẹkwoma iyẹrẹ iruo ra nọ who re siobọno ẹruoke k’amara k’amara?

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa