Iroro-Ejẹ kẹ Efihọ-Ada ọrọ Obe ọ Si Kẹle Jihova

◼ Avọ Ebaibol nọ who kru họ obọ, ta nọ: “O rẹ were ahwo buobu nọ a rọwo Ọghẹnẹ re a si kẹle iẹe. Kọ whọ riẹ nọ Ọghẹnẹ o zizie omai re ma si kẹle iẹe? [Se Jemis 4:8.] A ruẹrẹ obe nana họ re u ru ahwo riẹ epanọ Ebaibol obọ rai u re ro fi obọ họ kẹ ae si kẹle Ọghẹnẹ.” Se edhe-ẹme 1 eva ẹwẹ-obe avọ 16.

◼ Avọ Ebaibol nọ who kru họ obọ, ta nọ: “Ẹdhoguo-okienyẹ ọ vọ otọ nẹnẹ. O nwane wọhọ epanọ a jọ etenẹ dhesẹ na. [Se Ọtausiuwoma Na 8:9b.] U bi gbe ahwo buobu unu sọ Ọghẹnẹ ọ be tubẹ daezọ. [Se ihie-eme ivẹ ọsosuọ erọ edhe-ẹme avọ 4 eva ẹwẹ-obe avọ 119 na.] Uzou nana u dhesẹ oware nọ Ọghẹnẹ ọ rọ kẹ ẹdhoguo-okienyẹ uvẹ evaọ umutho oke vevẹ.”