Ọruẹrẹfihotọ Okokohọ Okogho Ọkpokpọ

Eva edẹ urere akpọ omuomu nana, o roja re ma sẹro ẹgọ abọ-ẹzi mai jẹ yọrọ oka evuhu Oleleikristi mai. (Evia. 16:15) Fikiere u kiehọ gaga nọ uzoẹme ọruẹrẹfihotọ okokohọ okogho ọrọ ukpe 2006 na o rọ rrọ “Wha Whẹ Uruemu Okpokpọ na Họ Oma.”—Kọl. 3:10.

Ẹdẹ Ọsosuọ: Ọzọhọkugbe-eriariẹ ọsosuọ na, “Edhesẹ Abọ Sa-Sa Ọrọ Uruemu Okpokpọ Na,” u ti dhesẹ epanọ uruemu okpokpọ na nọ ma re wo u re ro fiobọhọ k’omai evaọ kabọ kabọ uzuazọ mai. Ẹvẹ ma sai ro wo uruemu okpokpọ na? A te ta kpahe oyena evaọ eme ivẹ urere ẹdẹ ọsosuọ na, “Wuhrẹ Oma Ra re Whọ Roma Totọ Roro Didi Ziezi” gbe “Ewuhrẹ nọ Ọ Rẹ Bọ Uruemu Okpokpọ Na.”

Ẹdẹ Avivẹ: A te ta kpahe epanọ uruemu okpokpọ na u re kpomahọ eroruiruo ẹrọo mai evaọ ọzọhọkugbe-eriariẹ avivẹ na, “Wo Ẹrọo Enọ I Wo Areghẹ.” Uzoẹme ovuẹ ogbotu na họ “Kọ Who Bi Fi Oyoma na Kparobọ?,” yọ u ti fielo họ oware nọ o jẹ roja re ma jaja aro vi kẹ eghẹ Setan. Eme ivẹ urere erọ okokohọ na, “Ru Oma Ra Kare Epe Eva Akpọ Na” gbe “Ma Hai Ru Ohwo nọ Ma Rrọ Evaọ Obeva Kpokpọ Kẹdẹ Kẹdẹ,” i ti fiobọhọ k’omai whaha iruemu nọ e wọso idhere ikiẹrẹe Ọghẹnẹ je fiobọhọ k’omai dikihẹ ga evaọ egagọ mai kẹ Jihova.

Ma bi rẹro uduotahawọ nana nọ a te k’omai re ma whẹ uruemu okpokpọ na họ oma jẹ yọrọ iẹe.