Ọkiẹriwo Okokohọ Okogho

A te rehọ eme nana rọ kiẹ ọruẹrẹfihotọ okokohọ okogho ọrọ ukpe 2006 na riwi taure a te ti kpohọ okokohọ na gbe okenọ a te no okokohọ na ze no. Ọsẹro ukoko na o ti ru ọruẹrẹfihotọ kẹ onana, wọhọ epanọ a dhesẹ evaọ Odibọgba Uvie Mai ọrọ December 2004, ẹwẹ-obe avọ 4 na. Evaọ etoke ọkiẹkpemu na, a rẹ nọ enọ na kpobi. Ọkiẹkpemu na ọ rẹ tẹro vi epanọ ma sai ro fi eme nọ a jọ okokohọ na ta họ iruo.

ẸDẸ ỌSOSUỌ

1. Ẹvẹ ma re ro fi uruemu okpokpọ na họ oma, kọ fikieme ma jẹ sẹro riẹ?

2. Ẹvẹ ahwo jọ a ro ru ẹkabọ rai evaọ iruo odibọgba na kẹre no?

3. Fikieme ma jẹ whaha iruẹru mai nọ ma rẹ rọ wawo erọ amọfa?

4. Ẹvẹ ahwo uviuwou a sai ro dhesẹ uruemu okpokpọ na evaọ eyerikugbe ohwohwo?

5. Ẹvẹ ma sae rọ rehọ uvi uketha kẹ ohwohwo evaọ ukoko na?

6. Fikieme o jẹ gwọlọ nọ ma jọ odibọgba mai dhesẹ uruemu okpokpọ na?

7. Eme uvi eroro-didi o kẹre te, kọ ẹvẹ ma re ro wo erere no eroro-didi otiọye ze?

8. Ekwakwa vẹ i re ru omai jọ enọ e rẹ bẹ ẹkpọ họ evaọ obọ Jihova?

ẸDẸ AVIVẸ

9. Ẹvẹ u wuzou te re ma rehọ ẹrọo mai ruiruo ziezi?

10. Ẹvẹ ma re ro wo erere no eme ọbọga nọ ma rẹ ta kugbe ibe-iruiruo, ibe emọ-isukulu, gbe amọfa ze?

11. Ẹvẹ ma sai ro fi ohrẹ Pọl nọ o rrọ Ahwo Ẹfẹsọs 4:25-32 họ iruo evaọ oghẹrẹ nọ ma re yeri kugbe ibe Ileleikristi mai?

12. Oghẹrẹ vẹ ma rẹ rehọ ẹrọo mai ruiruo nọ o jẹ mae kẹ erere?

13. Eme ma re ru re mai sai fi oyoma na kparobọ?

14. Evaọ abọ vẹ ma jẹ daoma re ma siọ epe ba ewo evaọ akpọ na?

15. Fikieme o jẹ roja nọ ma ru ohwo nọ ma rrọ eva obeva kpokpọ kẹdẹ kẹdẹ, kọ ẹvẹ ma sai ro ru ere?

16. Uthubro vẹ rono ọruẹrẹfihotọ okokohọ okogho ukpe nana ze whọ be ma omaa nọ who ti fihọ iruo?