Ọkiẹriwo Okokohọ Okogho

A te rehọ eme nana rọ kiẹ ọruẹrẹfihotọ okokohọ okogho ọrọ ukpe 2005 na riwi taure a te ti kpohọ okokohọ na gbe okenọ a te no okokohọ na ze no. Uzoẹme na “Ọruẹrẹfihotọ Ọkpokpọ nọ A rẹ rọ Kiẹ Ọruẹrẹfihotọ Okokohọ Riwi,” nọ o rrọ ẹwẹ-obe avọ 4 uko-obeva nana, u dhesẹ epanọ a re ro ru onana. Evaọ etoke ọkiẹkpemu na, ghale oke ra ziezi re whọ sae nọ enọ na kpobi. Ọkiẹkpemu na ọ rẹ tẹro vi epanọ ma sai ro fi eme nọ a ta na họ iruo.

ABỌ OHIOHIẸ [HAYO UVO] ẸDẸ ỌSOSUỌ

1. Eme o ti fiobọhọ k’omai wo areghẹ nọ o no obọ Ọghẹnẹ ze?

2. Omodawọ vẹ ahwo nọ a rrọ okogho na a ru no re a sae wha emamọ usi na te ahwo buobu oma?

ABỌ UVO [HAYO OWỌWỌ] ẸDẸ ỌSOSUỌ

3. Fikieme u je wuzou kẹ Ileleikristi re a jọ fuafo evaọ ubiudu? Eme onana o gwọlọ nọ ma re ru?

4. Ẹvẹ ma sai ro dhesẹ nọ ma rrọ avọ udhedhẹ kugbe inievo mai?

5. Eme họ uvi-iroro, kọ ẹvẹ ma sai ro dhesẹ iẹe evaọ oghẹrẹ nọ ma be rehọ oke mai ruiruo?

6. Eme ma wuhrẹ no oriruo Sọl gbe ọrọ Noa ze? Evaọ idhere vẹ ma sai ro dhesẹ inọ ma rẹ ‘rọ oma kpotọ’? (Jem. 3:17)

7. Ẹvẹ Ileleikristi a sae rọ yọrọ oma re a siọ uzuazọ agbava ba eyero?

8. Ẹvẹ ma sae rọ raro kele oriruo Pọl evaọ ẹta kpahe areghẹ Ọghẹnẹ?

ABỌ OHIOHIẸ ẸDẸ AVIVẸ

9. Eme o jẹ gbahọ nọ ma rẹ yọrọ oma kpahe oghẹrẹ iruẹru nọ ma rẹ salọ, kọ eme o re fiobọhọ k’omai ru ere?

10. Omodawọ vẹ ahwo nọ a rrọ okogho na a bi ru re a sai kpohọ iwuhrẹ ẹsikpobi, kọ ẹvẹ a ro wo erere no evaọ ere oruo?

11. Ẹvẹ ahwo nọ a wuzou uviuwou a sae rọ bọ uviuwou rai ga?

12. Ẹgwọlọ okogho na vẹ a si iroro mai kpohọ?

ABỌ UVO ẸDẸ AVIVẸ

13. Wọhọ epanọ a dhesẹ via evaọ ovuẹ ogbotu na, iruo ikiẹrẹe vẹ areghẹ nọ o no ehru ze o ru no?

14. Fikieme o jẹ rrọ oware ugheghẹ re ma fi eva họ omobọ mai hayo ahwo nọ areghẹ Ọghẹnẹ ọ be kpọ họ? Abọ vẹ u je fo nọ ma rẹ yọrọ oma?

15. Ẹta vẹ areghẹ Ọghẹnẹ ọ be thọ omai no?

16. Fikieme o jẹ roja re ma fi ithubro nọ a jọ ọruẹrẹfihotọ okokohọ okogho na kẹ omai na họ iruo?