Ọkiẹriwo Ẹdẹ Okokohọ Obọdẹ
A te rehọ eme nana rọ kiẹ ọruẹrẹfihotọ okokohọ obọdẹ ọrọ ukpe 2005 na riwi taure a te ti kpohọ okokohọ na gbe okenọ a te no okokohọ na ze no. Uzoẹme na “Ọruẹrẹfihotọ Ọkpokpọ nọ A rẹ rọ Kiẹ Ọruẹrẹfihotọ Okokohọ Riwi,” nọ o rrọ ẹwẹ-obe avọ 4 ọrọ uko-obeva nana, u dhesẹ epanọ a re ro ru onana. Evaọ etoke ọkiẹkpemu na, ghale oke ra ziezi re whọ sae nọ enọ na kpobi. Ọkiẹriwo na ọ rẹ tẹro vi epanọ ma sai ro fi eme nọ a ta na họ iruo.
ABỌ OHIOHIẸ
1. Fikieme ẹgwọlọ ologbo ọ jẹ riẹ re ma kezọ kẹ Jihova? Re a gaviezọ, eme u dhesẹ? (“Oware nọ Ma Jẹ Gaviezọ kẹ Urru Jihova”)
2. Ẹvẹ iviuwou e sae rọ yọrọ emamọ omaa orọ iruẹru abọ-ẹzi? (“Iviuwou Nọ E Rẹ Gaviezọ kẹ Ẹme Jihova Ababọ Iroro Rai nọ I Re Reghe”)
3. Ẹvẹ ahwo nọ a rrọ okogho na a rọ rehọ uvẹ nọ u rovie fihọ kẹ ai ro se isẹri oke-gheghe no? (“Eruo Eware Kpobi Rọ Kẹ Ọghẹnẹ Oruaro”)
4. Eme ma rẹ sai wuhrẹ no oriruo unuovẹvẹ nọ a kere fihọ Ahwo Hibru uzou avọ 3 gbe orọ avọ 4 na ze? Ẹvẹ Jihova ọ be rọ ta ẹme kẹ omai nẹnẹ? (“Ezọ Nọ Ma rẹ Gaviẹ Nọ Ọghẹnẹ Ọ Tẹ T’ẹme O Rẹ Thọ Omai”)
5. Ẹvẹ who ro wo erere no ẹme ame-ọhọ na ze? (“Omarọkẹ gbe Ame-Ọhọ”)
ABỌ UVO
6. Eme ma rẹ sai vuhumu kpahe okenọ Jesu ọ jọ uzoge, kọ ẹvẹ izoge nọ e rrọ okogho na a be rọ rehọ aro kele oriruo riẹ? (“Epanọ Emamọ Ezọgaviẹ kẹ Ẹme Ọghẹnẹ O Rẹ Rọ Kẹ Izoge Mai Ẹgba”)
7. Idhere jọ vẹ esẹgbini e sai ro muọ emọ rai họ ewuhrẹ evaọ idhere Jihova? (“Emaha Nọ E Rẹ Gaviezọ kẹ Ọghẹnẹ Je Wuhrẹ”)
8. Ugogo abọ jọ vẹ u je fo nọ ma rẹ gaviezọ kẹ Jihova, Ọmọ riẹ, gbe ‘odibo ẹrọwọ avọ areghẹ na’? (Mat. 24:45) Fikieme u je wuzou re ma ru ere? (“Gaviezọ kẹ Uthubro Ọghẹnẹ Kẹse Kẹse”)