Ọkiẹriwo Ẹdẹ Okokohọ Obọdẹ

A te rehọ eme nana rọ kiẹ ọruẹrẹfihotọ okokohọ obọdẹ ọrọ ukpe 2006 na riwi taure a te ti kpohọ okokohọ na gbe okenọ a te no okokohọ na ze no. Ọsẹro ukoko na o ti ru ọruẹrẹfihotọ kẹ onana, wọhọ epanọ a dhesẹ evaọ Odibọgba Uvie Mai ọrọ December 2004, ẹwẹ-obe avọ 4 na. Evaọ etoke ọkiẹkpemu na, a rẹ nọ enọ na kpobi. Ọkiẹkpemu na ọ rẹ tẹro vi epanọ ma sai ro fi eme nọ a ta evaọ okokohọ na họ iruo.

ABỌ OHIOHIẸ

1. Re ohwo o ru ẹro riẹ lọhọ, eme u dhesẹ? Kọ fikieme oyena o jẹ rrọ bẹbẹ nẹnẹ? (“Fikieme Who Je Ru Ẹro Ra Lọhọ?”)

2. Ẹvẹ ma re ro wo erere no ẹro mai nọ ma re ru lọhọ ze? (“Eghale I re Te Omai nọ Ma te Ru Ẹro Mai Lọhọ”)

3. Enwoma vẹ iruẹru buobu nọ a rri fihọ ẹkoma uzuazọ e rẹ wha ze? (“Jo Ma Ru Ẹro Mai Lọhọ Evaọ Akpọ Omuomu Nana”)

ABỌ UVO

4. Ẹvẹ esẹgbini gbe amọfa a sae rọ tuduhọ izoge na awọ re a le itee abọ-ẹzi? (“Esẹgbini nọ E Kpọ Ovao Emọ Rai Rri Uvi Edhere” gbe “Izoge nọ I Bi Le Itee Abọ-Ẹzi”)

5. Ẹvẹ ma sae rọ nyaharo lele ukoko Jihova (a) wọhọ omomọvo? (b) wọhọ uviuwou? (c) wọhọ ukoko? (“Tọ Ẹro Vi Epanọ Whọ Rẹ Rọ Nyaharo Lele Ukoko Jihova”)