Ẹkpẹti Onọ

◼ Ebe ivẹ vẹ ma re ro ru uwuhrẹ kugbe emọ-uwuhrẹ Ebaibol mai?

Obe Ebaibol Wuhrẹ na họ ugogo obe nọ ma be rọ to obe-uwuhrẹ Ebaibol họ je ro ru uwuhrẹ na. Dede nọ o thọ họ re ma rọ obe ofa tuọ obe-uwuhrẹ Ebaibol họ, ma rẹ daoma re ma nwene kpohọ obe Ebaibol Wuhrẹ na ababọ oke-oraha. Obe Ebaibol Wuhrẹ na nọ ma bi ro ru ebe-iwuhrẹ Ebaibol o wha emamọ iyẹrẹ ze no.

Nọ wha te wuhrẹ obe Ebaibol Wuhrẹ na reno, yọ ọmọ-uwuhrẹ na o bi wo ẹnyaharo, wha ve muọ obe ọ Gọ Ọghẹnẹ Uzẹme na họ ewuhrẹ. (Kọl. 2:7) Ẹwẹ-obe avọ 2 obe na u dhesẹ ẹjiroro obe na via: “Ebaibol ọ tuduhọ enọ i you Ọghẹnẹ kpobi awọ re a ‘riẹ epa . . . ekpehru gbe ekodo’ uzẹme oghaghae riẹ. (Ahwo Ẹfẹsọs 3:18) Fiki onana a ro kporo obe nana. Ma rẹro nọ u ti fiobọhọ k’owhẹ rro evaọ abọ-ẹzi jẹ thọ oma kpahe viere evaọ ẹnya edhere ọhwahwa nọ o re su kpohọ uzuazọ evaọ akpọ ọkpokpọ okiẹrẹe Ọghẹnẹ na.”

Otẹrọnọ ọmọ-uwuhrẹ na o te kẹ ame-ọhọ taure o te ti wuhrẹ ebe ivẹ na re, a rẹ ruabọhọ uwuhrẹ na nọ ọ tẹ họ-ame no bẹsenọ a re wuhrẹ obe avivẹ na reno. O tẹ make rrọ nọ ọmọ-uwuhrẹ na ọ họ-ame no, owuhrẹ na o re gbe kele oke na, ozihebro na, gbe obe-uwuhrẹ Ebaibol na. Owhowho-uvie nọ o lele owuhrẹ na je wobọ evaọ uwuhrẹ na o re kele oke na re.