Epanọ A rẹ rọ Rehọ Efọmo Please Follow Up (S-43) na Ruiruo

A re kere ẹme fihọ efọmo nana nọ whọ tẹ nyaku ohwo nọ o dhesẹ isiuru nọ ọ be rria ẹkwotọ ukoko ra ha hayo nọ ọ be ta ẹvẹrẹ ọfa. Dede nọ evaọ oke nọ u kpemu ma je kere eme fihọ iẹe nọ ma tẹ nyaku ohwo makọ o dhesẹ isiuru hayo o dhesẹ hẹ, no umuọ enẹna vrẹ, okenọ ohwo o te dhesẹ isiuru ọvo ma re ro kere eme fihọ iẹe. Okenọ o rẹ rọ jọ ere he họ otẹrọnọ ohwo na o diezọ. Ma tẹ nyaku ohwo nọ o diezọ, te o dhesẹ isiuru hu, ma re kere eme fihọ efọmo na.

Ẹvẹ ma re ru efọmo na nọ ma te kere eme fihọ iẹe no? Ma rẹ rehọ iẹe kẹ okere-obe ukoko na. Nọ ọ tẹ riẹ ukoko nọ o re vi efọmo na kpohọ, wọhọ ukoko ekẹloma nọ a jọ rehọ ẹvẹrẹ yena ru ewuhrẹ, o re vi ei se ekpako ukoko yena re a ru ọruẹrẹfihotọ nọ a re ro fi obọ họ kẹ ohwo na. Ọ gbẹ riẹ ukoko nọ o re vi ei kpohọ họ, o re vi ei kpobọ uwou ogha.

Otẹrọnọ ohwo nọ o dhesẹ isiuru na yọ ohwo ẹvẹrẹ ọfa, ọ tẹ jẹ be rria ẹkwotọ ra, whọ sae gbẹ nya bru ohwo na re whọ bọ isiuru riẹ ga bẹsenọ owhowho-uvie nọ ọ rẹ ta ẹvẹrẹ ohwo na ọ te nya ze. Evaọ ẹsejọ, o sae via inọ uvumọ ukoko ẹvẹrẹ yena o kẹle owhai hi. O tẹ rrọ ere, gbẹ hai weze bru ohwo na re whọ bọ isiuru riẹ ga, jẹ kẹe ebe ẹvẹrẹ riẹ na nọ wha wo, yọ o tẹ lọhọ, mu obe-uwuhrẹ Ebaibol họ kugbei.​—Rri Odibọgba Uvie Mai ọrọ November 2009 ẹwẹ-obe avọ 4.