“Fi Emagazini nọ O Kri No Hayo Ibroshọ Kpobi nọ O Ta Kpahe Ẹgwọlọ Ohwo na Họ Ada Kẹe”
Evaọ amara nọ ma te bi fi obe ọ Ebaibol Wuhrẹ na họ ada jẹ daoma to obe-uwuhrẹ họ evaọ iweze ọsosuọ na, a tuduhọ omai awọ inọ ma sai “fi emagazini nọ o kri no hayo ibroshọ kpobi nọ o ta kpahe ẹgwọlọ ohwo na họ ada” otẹrọnọ ohwo na o wo obe na no vẹre, yọ ọ rọwo uwuhrẹ hẹ. Fikieme?
Emagazini nọ i kri no gbe ibroshọ i wo izoẹme nọ e ta kpahe eware nọ e be kẹ ahwo uye nẹnẹ. Ẹme jọ nọ ọ rrọ ebe itieye o sai duobọte ohwo na udu. Fikiere, nọ whọ tẹ be tọlọ ebe fihọ ẹkpa usiuwoma ota ra, tọlọ ibroshọ gbe emagazini sa-sa nọ i kri no kugbe. Who gbe wo emagazini itieye he, whọ sae jọ obọ Ọgwa Uvie rehọ ejọ. Otẹrọnọ ohwo na o wo obe ọ Ebaibol Wuhrẹ na no vẹre rekọ ọ rọwo obe-uwuhrẹ hẹ, whọ sai dhesẹ emagazini hayo ibroshọ na jọ kẹe jẹ ta kẹe inọ ọ rehọ ọnọ ọ were riẹ. Kẹsena who ve ru ọruẹrẹfihotọ nọ who re ro zihe re whọ bọ isiuru riẹ ga. Ẹsejọhọ ọ te rọwo obe-uwuhrẹ Ebaibol oke ofa.