Rehọ Emagazini nọ I Kri no Kẹ Ahwo
U fo nọ ma rẹ rọ emagazini nọ i kri no kẹ ahwo ukpenọ ma re ku ai fiẹ hayo kwa ai kuku oria jọ ọvo. Emagazini ọvo nọ ma kẹ ohwo o sae lẹliẹe wo isiuru kpahe uzẹme na je ru ei muọ odẹ Jihova họ ese. (Rom 10:13, 14) Idhere jọ nọ ma sae rọ rehọ emagazini na kẹ ahwo e rrọ obotọ na.
Whọ tẹ be ta usiuwoma evaọ ẹkwotọ nọ a re ru ẹsikpobi hi, whọ sai fi emagazini jọ họ unuẹthẹ ohwo nọ who dihọ uwou ho.
Whọ tẹ be ta usiuwoma evaọ oria nọ ahwo a rẹ jọ ruọ imoto, hayo oria nọ ahwo a rẹ jọ dẹ epẹtiro, nọ ahwo nọ a rrọ etẹe sọ whọ sae kẹ ae obe nọ a re se, who ve dhesẹ emagazini sa-sa nọ i kri no kẹ ae re a salọ onọ o were rai.
Who te kpohọ ifisi nọ a rẹ jọ thueki, ẹsipito, hayo eria itieye efa nọ e rrọ ẹkwotọ ukoko ra, whọ sai fi emagazini nọ i kri no họ oria nọ ahwo a rẹ jọ hẹrẹ na. Rekọ otẹrọnọ ohwo jọ ọ rrọ etẹe, o rẹ mai woma re who mi ohwo na uvẹ tao. Otẹrọnọ a fi emagazini mai jọ họ etẹe no vẹre, who fi efa ba eyena ha.
Whọ tẹ be ruẹrẹ oma họ kẹ ozihebro, roro te eware nọ e rẹ were ahwo nọ who ti zihe bru na. Kọ ohwo na o wo uviuwou? Kọ o re kperẹ gaga? Kọ ọ rẹ kọ ire idodo? Kiẹ emagazini nọ i kri no riwi sọ uzoẹme jọ o rrọ eva rai nọ o te were iẹe, re whọ rehọ iẹe kẹe nọ whọ tẹ nya.
Who te zihe bru ohwo jọ nọ whọ ta usiuwoma kẹ nọ whọ rẹ kaki dihọ uwou hu, dhesẹ emagazini nọ i kri no nọ o wo ho kẹe.