Kọ Whọ Sai Zizie Oniọvo Jọ?

Evaọ ikoko buobu, iwhowho-uvie jọ e riẹ nọ i re kpohọ usiuwoma tere he fiki ẹyao hayo owho. (2 Kọr. 4:16) Kọ whọ sai zizie oniọvo jọ nọ o wo ẹbẹbẹ nana jọ re o lele owhẹ nyai wuhrẹ obe kugbe ọmọ-uwuhrẹ Ebaibol ra? Otẹrọnọ oniọvo na ọ rẹ sai no uwou hu, whọ sae tubẹ wha ọmọ-uwuhrẹ ra ziọ uwou riẹ ti wuhrẹ. U ti woma re who zizie oniọvo nọ oma o ga tere he re wha gbe kpohọ usiuwoma n’uwou ruọ uwou evaọ omoke jọ, hayo re wha nyai wuhrẹ obe kugbe omọvo hayo imava jọ. Iwhowho-uvie buobu nọ e kpako no a wo onaa usiuwoma ota ziezi. Fikiere, nọ who te zizie inievo nana re wha gbe kpohọ usiuwoma, o te bọ ae ga ziezi, yọ o te lẹliẹ owhẹ wo onaa ziezi re. (Rom 1:12) U te no ere no, Jihova ọ te ghale owhẹ nọ whọ be daoma dhesẹ uyoyou kẹ inievo ukoko na evaọ edhere nana.—Itẹ 19:17; 1 Jọn 3:17, 18.