Re Ma Wuhrẹ Ahwo avọ Onaa, O Gwọlọ Oma-Oruẹrẹkpahe

Okenọ Jesu ọ jọ otọakpọ, ahwo a nọ riẹ onọ kpahe uzuazọ ebẹdẹ bẹdẹ te isiava, yọ oghẹrẹ nọ ẹgwọlọ ohwo nọ ọ nọ riẹ onọ na o rrọ, ere ọ rọ kuyo na. (Luk 10:​25-28; 18:​18-20) Fikiere, o tẹ make rọnọ eware nọ e rrọ obe nọ ma bi ro wuhrẹ ohwo, ma riẹ rai lafi, u fo nọ ma rẹ ruẹrẹ oma kpahe kẹ uwuhrẹ na avọ ọmọ-uwuhrẹ na nọ ma wo họ iroro. Eware vẹ ọ te kaki wo otoriẹ rai hi, hayo rọwo ho? Eria Ebaibol vẹ ma ti se kẹe? Ẹvẹ oria nọ ma ti wuhrẹ kugbei u ti bu te? O sae gwọlọ nọ ma rẹ ruẹrẹ ọtadhesẹ jọ kpahe, eme jọ, hayo enọ jọ nọ ma ti ro fiobọhọ kẹ ọmọ-uwuhrẹ na wo otoriẹ eware nọ o bi wuhrẹ na. U te no ere no, nọ orọnọ Jihova họ ọnọ o re ru ibi Uvie na rro evaọ udu ahwo na, u fo nọ ma rẹ yare Jihova re o fiobọhọ kẹ omai ruẹrẹ oma kpahe kẹ uwuhrẹ na, fiobọhọ kẹ ọmọ-uwuhrẹ na, jẹ kẹ omai areghẹ nọ ma re ro ru uwuhrẹ na ziezi.​—⁠1 Kọr. 3:6; Jem. 1:⁠5.