Epanọ Ma Sai Ro Wo Onaa Ziezi Evaọ Usiuwoma Ota​—Rọ Ividio Wuhrẹ Ahwo

OWARE NỌ U RO WUZOU:

Ma te kporo ividio kẹ ahwo u re duobọte ai udu ziezi. O rẹ lẹliẹ ae tẹrovi oware nọ a bi rri na jẹ kareghẹhọ iẹe oke krẹkri. Jihova họ ọnọ o fi oriruo nọ ọ mai woma kpaobọ họ otọ evaọ eware nọ a rẹ rọ ẹro ruẹ nọ a re ro wuhrẹ ahwo.—1Iru 10:9-16; Ev 1:1.

Ividio Kọ Ọghẹnẹ O Wo Odẹ?, Ono O Wo Eme Ebaibol Na?, gbe Ẹvẹ Ma rọ Riẹ nọ Eme Ebaibol na Uzẹme? i re fiobọhọ nọ ma tẹ be rọ uwuhrẹ avọ 2 gbe 3 ibroshọ Emamọ Usi na wuhrẹ ahwo. Ividio Fikieme Who re ro Wuhrẹ Ebaibol Na?, Ẹvẹ A re Ru Obe-Uwuhrẹ Ebaibol?, gbe Eme A rẹ Jọ Ọgwa Uvie Ru? e rẹ tuduhọ ahwo awọ re a wuhrẹ Ebaibol kugbe omai hayo ziọ ewuhrẹ. Ma rẹ sai je kporo ividio ithethei mai jọ kẹ ahwo re nọ ma te bi wuhrẹ ohwo Ebaibol.—km 5/13 3.

EPANỌ A RE RO RU EI:

• Kake danlodu ividio nọ who ti kporo kẹ ohwo nọ whọ te ta usiuwoma kẹ fihọ ifonu hayo etablẹte ra

• Ruẹrẹ onọ ovo hayo ivẹ jọ họ nọ ividio na e kuyo rai

• Wha rri ividio na kugbe

• Ta kpahe igogo eme nọ e riẹ

DAO ONANA:

• Rri uke obemu omobe-ovẹvẹ mai jọ, re whọ rehọ ifonu hayo etablẹte ra rri ẹmẹkpẹti nọ ọ rrọ obotọ riẹ na, o te rehọ owhẹ kpohọ ividio Fikieme Who re ro Wuhrẹ Ebaibol Na?

• Kporo ividio Ẹvẹ Ma rọ Riẹ nọ Eme Ebaibol na Uzẹme? jẹ kẹ ohwo na ibroshọ Emamọ Usi re whọ ta kpahe uwuhrẹ avọ 3