Ekwakwa nọ I Re Wuhrẹ, Kẹ Ọwhọ, jẹ Bọ Ga
1 E rọ obọdẹ ekwakwa nọ a re ro wuhrẹ ahwo kpahe Ebaibol na gbe Isẹri Jihova. E kẹ ibuobu ọwhọ no re a dikihẹ whawha kẹ uzẹme na. E bọ ẹrọwọ gbe ovuhumuo ahwo Ọghẹnẹ nọ a rehọ oma mudhe ga no. Eme ma be ta kpahe na? Ekasẹte ividio nọ ukoko Jihova o ru. Kọ who rri ikpe na kpobi no? Okevẹ kẹle na? Kọ whọ be rehọ ae ruiruo evaọ odibọgba ra? Kọ who vi ejọ rai no? Ẹvẹ whọ sai ro wo erere no ekwakwa igbunu enana ze viere?
2 Uzoẹme Uwou-Eroro ọ July 1, 1999 na “Wuhrẹ Ẹme Ọghẹnẹ Kugbe Ẹsikpobi Wọhọ Uviuwou” o jiroro nọ whọ “rehọ oke ewuhrẹ ra jọ rri ividio Society na jọ . . . wha vẹ t’ẹme kpahe iẹe.” Rọwo kugbe emamọ ohrẹ oyena, a te t’ẹme kpahe ividio sa-sa evaọ Ewuhrẹ Odibọgba na k’emera ivẹ k’emera ivẹ. Ma tuduhọ ahwo kpobi awọ re a rri ividio na eva obọ uwou taure a tẹ te t’ẹme kpahe iẹe eva Ewuhrẹ Odibọgba na.
3 Amara nana ma be rehọ ividio ọsosuọ nọ ma ru na muhọ, Jehovah’s Witnesses—The Organization Behind the Name. Rri jẹ gaviezọ kẹ iyo enọ enana:
◼ Eme a mae riẹ Isẹri Jihova kpahe?
◼ Ikereakere vẹ e gba eware kpobi nọ a bi ru evaọ Ebẹtẹle kugbe?
◼ Ikuigbe Ebaibol na vẹ whọ ruẹ nọ a dhesẹ, fihọ ifoto, jẹ ralọ re a fihọ ebe ukoko na?
◼ Eme ọ were owhẹ gaga evaọ edhere nọ a bi ro ru ebe mai?
◼ No 1920 rite 1990, bro ebe Society o kporo?
◼ Amono evaọ udevie ahwo Ọghẹnẹ o mai fo nọ a rẹ dawo oma re a te kẹ iruo Ebẹtẹle?—Itẹ 20:29.
◼ Evaọ idhere vẹ uviuwou Ebẹtẹle na u bi ro fi oriruo h’otọ kẹ Isẹri Jihova kpobi?
◼ Eme o si owhẹ urru gaga kpahe iruo nọ a bi ru evaọ Ebẹtẹle re a rehọ emamọ usi na nya te ahwo buobu oma te epanọ o rẹ sae lọhọ te?
◼ Ẹvẹ a be rọ ruẹ ugho nọ a bi ro ru iruo akpọ-soso na?
◼ Didi iruo ma rẹ sai kuobọgbe avọ ọwhọ, kọ avọ oghẹrẹ ẹzi vẹ?—Jọn 4:35; Iruẹru 1:8.
◼ Ẹvẹ who roro kpahe ukoko nọ o rrọ emu odẹ mai na?
◼ Ẹvẹ whọ sae rọ rehọ ividio nana ro ruiruo evaọ odibọgba na?
Evaọ December ma te t’ẹme kpahe ividio na The Bible—Accurate History, Reliable Prophecy.