Kọ Who bi Wo Erere no Ẹkiẹriwo Ikereakere na Kẹdẹ Kẹdẹ Ze?

Kọ whọ be hae jọ obe Ẹkiẹriwo Ikereakere na Kẹdẹ Kẹdẹ se oria ikere gbe eme ọkpahefihọ nọ e rrọ oria na kẹdẹ kẹdẹ, re whọ sai si kẹle Jihova vi epaọ anwẹdẹ? Otẹrọnọ whọ be hai se he, kọ whọ sai ru ei fihọ omaa ra kẹdẹ kẹdẹ? Ahwo buobu a re se obe okpẹdẹ na evaọ ohiohiẹ re a sai roro kpahe oware nọ a se na evaọ okpẹdẹ na soso. (Jos 1:8; Ol 119:97) Oghẹrẹ vẹ whọ sai ro wo erere no isase okpẹdẹ na ze ziezi? Se eme nọ e wariẹ oria Ebaibol na họ, re whọ riẹ oware nọ oria na o be ta kpahe. Daoma roro kpahe iku Ebaibol jọ hayo eria Ebaibol efa nọ i ru ehri-uzi Ebaibol nọ oria ikere okpẹdẹ na o be ta kpahe na vẹ. Kẹsena who ve fi ehri-uzi Ebaibol nọ a ta kpahe na họ iruo evaọ uzuazọ ra. Whọ tẹ be kuvẹ re Ẹme Ọghẹnẹ ọ kpọ owhẹ nọ whọ tẹ be jiroro, uzuazọ ra o te jọ ziezi.​—Ol 119:105.

Iviuwou Ebẹtẹle nọ e rrọ akpọ na soso a re se Ẹkiẹriwo Ikereakere na Kẹdẹ Kẹdẹ evaọ etoke emuọriọ ohiohiẹ. Anwọ ikpe jọ ze na, a be hai fi ese okpẹdẹ nọ a jọ obọ Ebẹtẹle ru no họ JW Broadcasting^® evaọ oria ividio sa-sa EWARE NỌ A RU. Kọ who rri ividio nana jọ kẹle na? Daoma re who rri ejọ, oware nọ who ti wuhrẹ u ti fiobọhọ kẹ owhẹ gaga. Wọhọ oriruo, oghẹrẹ vẹ iku Lọt e sai ro fiobọhọ kẹ owhẹ nọ whọ tẹ be jiroro jọ?

WHA RRI IVIDIO NA WHO YOU AKPỌ NA HA (1JỌ 2:15), KẸSENA WHA VẸ KIYO ENỌ NANA:

• Ehri-uzi Ebaibol vẹ a jọ Ese Okpẹdẹ nana ta kpahe na?

• Oghẹrẹ vẹ iku Lọt na i ro dhesẹ enwoma nọ i re noi ze nọ ma te you akpọ na hayo eware nọ e rrọ evaọ akpọ na?​—Emu 13:12; 14:12; 19:3, 12, 13, 24-26

• Ẹvẹ ma sai ro dhesẹ nọ Jihova ma you orọnikọ akpọ na hayo eware nọ e rrọ akpọ na ha?