Amono Me ti Zizie?

Kukpe kukpe, ma rẹ daoma zizie ahwo nọ a rrọ ẹkwotọ mai re a kuomagbe omai ru Ekareghẹhọ na. Ibuobu ahwo nana yọ erara kẹ omai. U fo nọ ma re je zizie ahwo nọ ma riẹ re. Evaọ ẹsejọ, o rẹ mae ruọ ahwo nọ egbẹnyusu rai a zizie oma re a nyaziọ ekareghẹhọ na. (yb08 11 ¶3; 14 ¶1) Ahwo jọ vẹ whọ sai zizie?

• Imoni ra

• Ahwo nọ wha gbe bi ruiruo hayo ibe emọ-isukulu ra

• Ahwo nọ wha gbẹ be rria oria

• Izihebro ra gbe emọ-uwuhrẹ Ebaibol ra vẹre gbe enọ who wo enẹna

U te no ere no, ekpako na a re zizie ahwo nọ a siọ iruo uvie na ba no. Kọ otẹrọnọ ohwo jọ nọ whọ riẹ ọ be rria kẹle owhẹ hẹ? Whọ sae jọ jw.org® gwọlọ oke gbe oria nọ a ti jo ru ekareghẹhọ na evaọ oria nọ ohwo na ọ be rria. Evaọ obehru jw.org na, rovie oria KPAHE OMAI na, kẹsena whọ vẹ salọ “Ekareghẹhọ.” Nọ whọ be ruẹrẹ oma kpahe kẹ ekareghẹhọ enukpe nana, roro kpahe ahwo nọ whọ sai zizie re whọ daoma zizie ai.