A Koko Omai Họ re Ma Ta Usi Uwoma kẹ Ahwo Kpobi

Jihova o bi koko idibo riẹ họ nẹnẹ re a ru oreva riẹ, nwane wọhọ epanọ o koko orẹwho Izrẹl oke anwae họ na. Wariẹ akpọ na soso họ, iwou ogha sa-sa, ikogho, ikoko, gbe itu usi uwoma ota a bi ru iruo kugbe re a ta usi uwoma Uvie na. Ma rẹ ta usi uwoma kẹ ohwo kpobi, makọ ahwo nọ a be ta ẹvẹrẹ ọfa.​—Ev 14:6, 7.

Kọ who wo rie họ iroro nọ who re wuhrẹ ẹvẹrẹ ọfa re whọ sai fiobọhọ kẹ amọfa wuhrẹ kpahe uzẹme na? O tẹ make rọnọ who wo uvẹ nọ whọ te sai ro wuhrẹ ẹvẹrẹ ọfa ha, whọ sae rehọ JW Language app na wuhrẹ edhere ọlọlọhọ nọ whọ sae rọ ta usi uwoma evaọ ẹvẹrẹ ọfa. Nọ whọ tẹ rọ edhere ọlọlọhọ nana ta usi uwoma evaọ ẹvẹrẹ ọfa no, who ti wo ọkpọ oghọghọ nọ Ileleikristi ikpe-udhusoi ọsosuọ na a wo nọ ahwo erẹwho efa a yo kpahe “iruo urirẹ Ọghẹnẹ” evaọ ẹvẹrẹ obọrai.​—Iru 2:7-11.

WHA RRI IVIDIO NA JỌ OGBẸNYUSU JIHOVA​—RỌ ẸVẸRẸ ỌFA TA USIUWOMA, KẸSENA WHA VẸ KIYO ENỌ NANA:

• 

  Oke vẹ whọ sae rọ rehọ JW Language app na ruiruo?

• 

  Eware jọ vẹ e riẹe eva?

• 

  Evẹrẹ jọ vẹ ahwo a be jọ ẹkwotọ ra ta?

• Eme u fo nọ who re ru otẹrọnọ ohwo jọ nọ whọ ta usi uwoma kẹ nọ ọ be ta ẹvẹrẹ ọfa o dhesẹ isiuru nọ o re gbe wuhrẹ Ebaibol na?​—od 100-101 ¶39-41