UZUAZỌ OLELEIKRISTI
Epanọ Ma Sai ro Wo Onaa Ziezi Evaọ Usiuwoma Ota—Ta Usiuwoma kẹ Ohwo Kpobi Evaọ Ẹkwotọ Ra
OWARE NỌ U RO WUZOU: Zekaraya ọ ruẹaro nọ ahwo a ti no kẹvẹrẹ kẹvẹrẹ nọ e rrọ akpọ na kpobi ze re a kezọ kẹ usiuwoma na. (Zek 8:23) Kọ ono o ti wuhrẹ ai? (Rom 10:13-15) Mai a kẹ uvẹ iruo na re ma ta usiuwoma kẹ ohwo kpobi nọ ọ rrọ ẹkwotọ mai.—od uzou 9 95 ¶3, 96 ¶1-2.
EPANỌ A RE RO RU EI:
Ruẹrẹ oma kpahe. Kọ whọ be mae nyaku ahwo nọ a be ta ẹvẹrẹ ọfa? Whọ sae jọ JW Language wuhrẹ uyere gbe ememejọ ro mu ẹme họ evaọ ẹvẹrẹ yena. Hayo whọ sae jọ ifonu ra dhesẹ epanọ ọ sae rọ ruẹ ebe hayo ividio ẹvẹrẹ riẹ evaọ jw.org
Muẹrohotọ. Otẹrọnọ usiuwoma n’uwou ruọ uwou whọ rrọ, rehọ uvẹ kpobi nọ u rovie fihọ ta usiuwoma kẹ ohwo kpobi nọ ọ be nya owhẹ vrẹ te enọ e be hẹrẹ omoto. Otẹrọnọ onọ ahwo a rẹ jọ zurie, tẹrovi oware nọ whọ rọ rrọ etẹe
Gbẹ daoma. Hai zihe bru ahwo nọ who dihọ uwou evaọ ẹdẹ ọsosuọ họ. Daoma jọ uwou kpobi ta usiuwoma kẹ ohwo nọ whọ ruẹ, whọ sai zihe evaọ uvo hayo owọwọ hayo ẹdẹ ọfa jọ evaọ oka na. Who gbe di ohwo na họ uwou ghele he, whọ sai tei oma evaọ ileta, ifonu, hayo usiuwoma iyẹrẹ
Whọ raha oke he. Kaki zihe bru enọ e gaviezọ ziezi. Otẹrọnọ ohwo na o bi yo ẹvẹrẹ ra ha, gwọlọ oniọvo nọ ọ rẹ ta ẹvẹrẹ riẹ ziezi re o wuhrẹ iẹe. Gbẹ hai zihe bẹsenọ ohwo nọ whọ ruẹ nọ ọ rẹ ta ẹvẹrẹ riẹ na o re mu ei họ ewuhrẹ.—od 94 ¶39-40
WHA RRI IVIDIO NA ISẸRI ISE “EVAỌ ORIA NỌ O MAI THABỌ EVAỌ OTỌ-AKPỌ NA,” KẸSENA WHA VẸ KIYO ENỌ NANA:
Eme gbe eme inievo na a ru nọ a jẹ ruẹrẹ oma kpahe re a te ahwo ẹkwotọ nọ a nya na oma? (1Kọ 9:22, 23)
Eware vẹ e jọ ẹbẹbẹ kẹ ai nọ u fo nọ a re fi kparobọ?
Eme o wha evawere se ai?
Eme whọ rẹ sai ru re who te ahwo oma ziezi evaọ ẹkwotọ ra?