Jẹ Obufihọ Inievo Ukoko na Rehọ

Jihova ọ be rehọ inievo-emezae gbe erọ emetẹ mai “evaọ akpọ na soso” fiobọhọ kẹ omai. (1Pi 5:9) A sai fiobọhọ kẹ omai fi ebẹbẹ nọ ma be rẹriẹ ovao dhe evaọ usi uwoma ota na kparobọ. Wọhọ oriruo, Akwila avọ Prisila, Saelas, Timoti, gbe amọfa a fiobọhọ kẹ Pọl ukọ na evaọ iruo usi uwoma ota na.​—Iru 18:1-5.

Oghẹrẹ vẹ inievo ukoko na a sai ro fiobọhọ kẹ owhẹ evaọ usi uwoma ota na? A sae kẹ owhẹ emamọ ehrẹ nọ i re fiobọhọ kẹ owhẹ riẹ epanọ whọ rẹ rọ ta usi uwoma kẹ ahwo nọ a re bru ẹme dhe ohwo unu hayo gu inoma, epanọ whọ sai ro ru izihebro, mu ebe-uwuhrẹ Ebaibol họ jẹ riẹ wuhrẹ ziezi. Kọ ohwo jọ ọ rrọ ukoko ra nọ who roro nọ ọ sai fiobọhọ kẹ owhẹ evaọ usi uwoma ota na? O tẹ rrọ ere, vuẹ ohwo na re o fiobọhọ kẹ owhẹ. Ma riẹ nọ whai imava wha ti wo irere buobu, je fiobọhọ kẹ ohwohwo wo oghọghọ ziezi.​—Fil 1:25.

WHA RRI IVIDIO ODHESẸVIA NA WO OGHỌGHỌ NỌ U RE NO ILELE-IRUO ZE​—JẸ OBUFIHỌ JIHOVA REHỌ​—INIEVO MAI, KẸSENA WHA VẸ KIYO ENỌ NANA:

• 

  Oghẹrẹ vẹ Neeta o je ro zizie Jade kpohọ iwuhrẹ ukoko?

• 

  Fikieme u ro fo re ma vuẹ iwhowho-uvie efa re a kuomagbe omai nọ ma te bi wuhrẹ obe kugbe ọmọ-uwuhrẹ Ebaibol mai?

• 

  Oware vẹ o rẹ were Jade nọ o rẹ were Sista Abigay re?

• Oghẹrẹ onaa usi uwoma ota sa-sa vẹ inievo ukoko na a sai wuhrẹ owhẹ?