Rehọ Eware nọ E be Via rọ Ta Usi Uwoma

Okenọ Jesu ọ jọ otọakpọ, ọ rehọ eware nọ e jẹ via rọ ta usi uwoma. (Luk 13:1-5) Whẹ omara, whọ sae ta kpahe eware nọ e be via rọ kpare isiuru ahwo re a yo usi uwoma Uvie na. Wọhọ oririuo, whọ sae fodẹ epanọ eware e ghare te, oware okpẹtu jọ nọ o via, ozighi, imu egaga nọ a rẹ lọ vrẹ ẹta, gbe eware itieye na efa, kẹsena whọ vẹ nọ ohwo na onọ nọ o rẹ sae lẹliẹe roro. Whọ sae nọ nọ: “Kọ who roro nọ . . . o ti kuhọ ẹdẹjọ?” hayo “Eme who roro nọ o sai ku . . . họ?” Kẹsena who ve se oria Ebaibol nọ o ta kpahe ẹme yena kẹ ohwo na. Otẹrọnọ o were ohwo na, dhesẹ ividio jọ kẹe hayo kẹe obe jọ evaọ Ẹkpẹti Ekwakwa Ewuhrẹ mai na. Nọ ma be daoma re ma ta usi uwoma na kẹ ahwo kpobi evaọ ẹkwotọ mai na, joma “ru eware kpobi fiki usi uwoma na.”—1Kọ 9:22, 23.

Izoẹme jọ vẹ e rẹ sai si ahwo urru evaọ ẹkwotọ ra?