Eware Sa-Sa nọ E Rrọ Obe Reawere Uzuazọ Bẹdẹ Bẹdẹ! Na

Kọ ividio gbe enọ nọ e rẹ lẹliẹ ohwo ta oware nọ o riẹe eva nọ e rrọ obe Reawere Uzuazọ Bẹdẹ Bẹdẹ! na, i bi fiobọhọ kẹ owhẹ nọ who te bi wuhrẹ ahwo? Kọ eria “Ahwo jọ A rẹ Ta Nọ,” “Utee nọ whọ rẹ sai fihọ,” gbe “Kiẹ Kpahe Efa” na e were owhẹ? Eware iwoma efa vẹ e rrọ obe na nọ e rẹ sai fiobọhọ kẹ owhẹ wuhrẹ ahwo ziezi?—Mt 28:19, 20.

Ividio gbe Eware Efa: Otẹrọnọ obe nọ a printi o rẹ mae were owhẹ nọ who te bi wuhrẹ ohwo, ẹvẹ whọ sae rọ ruẹ ividio gbe eware efa nọ a ru lele obe na evaọ oria ovo? Who te kpohọ onọ o rrọ ifonu na, whọ vẹ nẹ ọjọ evaọ usu abọ ene nọ e rrọ obe na. Who ve kpohọ obotọ kpobi evaọ oria nọ iwuhrẹ sa-sa e rrọ na. Kẹsena whọ vẹ nẹ oria ividio kpobi gbe eware efa na. (Rri uwoho 1.)

Oria “Printed Edition” na: Whọ tẹ rọ ifonu rovie obe na bi ro wuhrẹ ohwo, whọ sai kpohọ orọ “Printed Edition” (koyehọ onọ o wọhọ onọ a printi) oke kpobi nọ o were owhẹ. Nọ who te rovie uwuhrẹ jọ, nẹ eka esa nọ e rrọ obehru evaọ obọze na, whọ vẹ nẹ oria “Printed Edition” na. Onana o sai fiobọhọ kẹ owhẹ ruẹ oghẹrẹ nọ oria nọ wha bi wuhrẹ na gbe eria efa nọ e rrọ uwuhrẹ na e rọ jẹhọ ohwohwo. Whọ tẹ gwọlọ zihe kpohọ oghẹrẹ nọ o jọ vẹre, wariẹ nẹ eka esa na, whọ vẹ nẹ oria “Digital Edition.”

“Kọ Mẹ Ruẹrẹ Oma Kpahe No?”: Ekpẹti nana nọ e rrọ ubrobọ ekuhọ obe na e ta kpahe oware nọ ohwo nọ o bi wuhrẹ Ebaibol o re ru re o mu ukoko na họ ekuomagbe nyae ta usi uwoma, ọ vẹ jẹ họ-ame. (Rri uwoho 2.)

Eme-Oruvẹ: A jọ abọ nana obe na ta kpahe eware jọ nọ i wuzou, je ru ai vẹ. Otẹrọnọ ifonu whọ jọ rovie obe na, whọ rẹ jọ obotọ ẹme-oruvẹ kpobi ruẹ ilinki nọ whọ rẹ nẹ, nọ o rẹ wọ owhẹ kpohọ uwuhrẹ nọ whọ jọ vẹre taure who te ti kpohọ ẹme-oruvẹ na. (Rri uwoho 2.)