Ẹme Emuhọ
Kọ whọ gwọlọ rria akpọ nọ a re jo fi ẹmo hayo ru ozighi hi? Oye ahwo buobu a gwọlọ, rekọ a re roro nọ o sae via vievie he. Ebaibol na ọ ta oware nọ ahwo-akpọ a gbẹ be sai ro ku ẹmo họ họ. A tẹ jẹ jọ Ebaibol na ta kpahe oware nọ o sai ro mu owhẹ ẹro inọ udhedhẹ o te jọ akpọ na soso, yọ o te via kẹle na.
Evaọ emagazini nana, a tẹ fodẹ “ẹmo” gbe “ozighi,” a be rehọ iẹe ta kpahe itu hayo erẹwho nọ e be rọ ekwakwa ẹmo họre ohwohwo fiki ẹme isuẹsu. Ma nwene edẹ ahwo jọ nọ a fodẹ evaọ emagazini nana.