Kọ Wha re Siomano Ahwo nọ A No Egagọ Rai No?

Ma re siomano ahwo nọ a họ-ame no ho, nọ a rrọ Isẹri Jihova rekiyọ a gbẹ be ta usiuwoma ha, hayo nọ a gbe bi tube kuomagbe omai hi. Ma rẹ tubẹ nya bru rai re ma ruẹsi fi obọ họ kẹ ai wo ọwhọ nọ a wo vẹre rọkẹ egagọ Ọghẹnẹ.

Nọ ohwo ọ tẹ thuzi ulogbo jọ, orọnikọ ma rẹ nwani si ei no egagọ mai hi. Rekọ nọ Osẹri Jihova nọ ọ họ-ame no ọ tẹ be hai ru oware nọ Ebaibol na o mukpahe yọ ọ be rọwo ku obọ rẹriẹ hẹ, ma re sioma noi hayo si ohwo otiọye na no egagọ mai. Ebaibol ọ ta vevẹ nọ: “Wha le ohwo omuomu na no udevie rai.”—1 Ahwo Kọrint 5:13.

Kọ ẹvẹ o rẹ jọ otẹrọnọ a si ọzae no egagọ Isẹri Jihova, yọ aye gbe emọ riẹ a gbẹ rrọ egagọ na? A re gbe ru oware ọvuọvo kugbe evaọ ofẹ egagọ họ, rekọ a re gbe ru eware kugbe wọhọ uviuwou.

Ahwo nọ a si no egagọ mai a rẹ gbẹ sae ziọ iwuhrẹ evaọ oria egagọ mai. O tẹ were ai, ekpako ukoko a rẹ sae jẹ kẹ ae ohrẹ. Ẹjiroro nọ ẹkpako na a rẹ rọ kẹ ae ohrẹ họ re a fi obọ họ kẹ ae wariẹ zihe ruọ Isẹri Jihova. Otẹrọnọ ahwo nọ a si no ukoko hayo egagọ mai a kurẹriẹ no ekpehru uruemu rai, je bi ru lele ithubro Ebaibol, a rẹ wariẹ dede ai rehọ ziọ ukoko Isẹri Jihova.