Kọ Ọghẹnẹ Ọ be Wha Uye-Oruẹ Ze?

Uyo nọ Ebaibol na ọ kẹ

Ebaibol na ọ ta vevẹ nọ ijo! Jihova Ọghẹnẹ ọ ma ahwo-akpọ re a ruẹ uye he. Rekọ ọzae avọ aye ọsosuọ na a ghẹmeeyo kẹ Ọghẹnẹ, a tẹ rọ ere dhesẹ nọ a gwọlọ ru onọ u je rai. A kiuke ku Ọghẹnẹ, yọ onana o wha uye se ai.

Ma be reoja oware nọ a ru na rite inẹnẹ. Orọnikọ o rrọ ẹjiroro Ọghẹnẹ re ahwo-akpọ a ruẹ uye he.

Ebaibol na ọ ta nọ: “Wha jọ ohwo ọvo nọ o kie ruọ odawọ, ọ ta nọ, ‘Ọghẹnẹ ọ dawo omẹ hẹ,’ keme a sae rehọ eyoma dawo Ọghẹnẹ hẹ, yọ ọyomariẹ ọrẹ dawo ohwo ọvo ho.” (Jemis 1:13) Uye o rẹ sai te ohwo kpobi—makọ ahwo nọ a be gọ Ọghẹnẹ.