Ebaibol Na—Obe Ikuigbe Egbagba gbe Eruẹaruẹ

Mankind’s Oldest Modern Book họ abọ ọsosuọ evaọ usu ividio esa nọ e rrọ DVD na The Bible—A Book of Fact and Prophecy. Nọ who te rri ividio nana no, kiyo enọ obotọ na:

(1) Idhere jọ vẹ otokiẹ-eriariẹ ọgbọna e rọ rọwo kugbe Ebaibol na? (2) Ẹvẹ o sai ro mu omai ẹro inọ eme nọ e jọ Ikereakere anwae na e rrọ Ebaibol ọgbọna gbagba? (3) Ugogo odẹ vẹ o romavia unuẹse buobu evaọ ikulu-ebe Ebaibol oke anwae? (4) Idhere vẹ John Wycliffe, Johannes Gutenberg, William Tyndale, John Hus, Martin Luther, Casiodoro de Reina, gbe Charles Taze Russell a rọ zọhọ fihọ ẹwhaharo Ẹme Ọghẹnẹ nya akpọ na wariẹ họ, kọ ẹvẹ ichọche e wọso Ebaibol na ga te? (5) Ẹvẹ uvi ithubro Ebaibol na i ro fi obọ họ kẹ ahwo thihakọ ebẹbẹ ẹyao no (Ol. 34:8), siọ edhọfi ba no (1 Tim. 6:9, 10), ku ebẹbẹ orọo họ (1 Kọr. 13:4, 5; Ẹf. 5:28-33), jẹ whaha ilale efe nọ e rẹ rehọ oke ohwo kpobi no (Mat. 16:26)? (6) Imuẹro vẹ i dhesẹ inọ efihiruo ehri-izi Ebaibol o rẹ sai fi obọ họ kẹ ohwo whaha emukpahe ohwo nọ ọ rrọ ohwo orẹwho riẹ hẹ, ovioma riẹ hẹ, gbe ẹvẹrẹ riẹ hẹ (Luk 10:27)? (7) Idhere vẹ ẹnya lele ehri-izi Ebaibol e rọ wha oghọghọ ulogbo se owhẹ no? (8) Ẹvẹ whọ sae rọ rehọ ividio nana fi obọ họ kẹ amọfa?—Rri Odibọgba Uvie Mai ọrọ February 2006, ẹwẹ-obe avọ 8.