Whọ Sae Ta Usi Uwoma je Wuhrẹ Ahwo!

Evaọ oke ọsosuọ, Mosis o roro nọ ọ te sai ru iruo nọ Jihova ọ kẹ riẹ nọ o ru na ha. (Ọny 4:10, 13) Kọ o via ere kẹ owhẹ no ẹdẹjọ? Kọ Isẹri Jihova a bi wuhrẹ Ebaibol na kugbe owhẹ? Kọ o rrọ owhẹ oma nọ whọ te sae ta usi uwoma no uwou ruọ uwou na ha? O sae jọnọ whẹ yọ uzoge nọ ọ be sae jọ obọ isukulu ta usi uwoma ha fiki ozọ. Hayo ozọ u bi mu owhẹ re whọ rehọ ifonu ta usi uwoma hayo wobọ evaọ oghẹrẹ usi uwoma ota ẹgbede jọ. Otẹrọnọ ere o rrọ kẹ owhẹ, lẹ se Jihova re ọ rehọ ẹzi ọfuafo riẹ kẹ owhẹ ẹgba. (1Pi 4:11) Fievahọ Jihova inọ o ti fiobọhọ kẹ owhẹ ru iruo kpobi nọ ọ kẹ owhẹ.​—Ọny 4:11, 12.

WHA RRI IVIDIO NA WHA WO UDU . . . IWHOWHO-UVIE, KẸSENA WHA VẸ KIYO ENỌ NANA:

• Ẹbẹbẹ vẹ Sista Aoyama ọ rẹriẹ ovao dhe?

• Eme o fiobọhọ kẹe wo udu?​—Jer 20:7-9

• Irere vẹ o wo fikinọ ọ fialoma via kẹ iruo Jihova?

• Ebẹbẹ jọ vẹ Jihova ọ rẹ sai fiobọhọ kẹ owhẹ fi kparobọ evaọ iruo usi uwoma ota na?