UWUHRẸ AVỌ 12

Ẹsasa gbe Ọdawẹ

1 Ahwo Tẹsalonika 2:7, 8

OWARE NỌ O GWỌLỌ: Ta ẹme avọ uvi ọdawẹ je dhesẹ nọ who wo ororokẹ rọkẹ enọ e be gaviezọ kẹ owhẹ na.

Roro kpahe ahwo nọ a te gaviezọ kẹ owhẹ. Kaki roro kpahe oghẹrẹ ebẹbẹ nọ a wo. Daoma roro kpahe oghẹrẹ nọ ebẹbẹ na e rrọ ae oma.
Romatotọ salọ oghẹrẹ eme nọ whọ te ta. Daoma ru udu te enọ e be gaviezọ kẹ owhẹ otọ, sasa ae oma jẹ bọ ae ga. Whaha eme nọ e rẹ sae dha ae eva, yọ whọ ta eme nọ i re dhesẹ nọ ahwo nọ a rrọ Isẹri Jihova ha gbe eware nọ a roro nọ i kiehọ nọ a rọwo i fioka ha ha.
Dhesẹ isiuru nọ who wo kẹ ae. Rehọ uvou uwowolẹ gbe omarọtẹme ra dhesẹ nọ who gine wo ọdawẹ kẹ ahwo nọ a be gaviezọ kẹ owhẹ na. Riẹ oghẹrẹ nọ who re ru ovao ra; hae hwẹ.

Who ru wọhọ ẹsenọ whọ be gba oma họ dhesẹ ọdawẹ hẹ, yọ whọ sasa oma hayo dhesẹ ọdawẹ vrẹta ha. Who te bi se oware, daoma sei evaọ oghẹrẹ nọ ohwo nọ ọ ta ẹme na ọ rọ tae. Rekọ yọroma re who gbe ru ei ga hrọ họ, ogbẹrọ ere he who ve ti si iroro ahwo na no ẹme na bru oma ra. Fikiere daoma ta ẹme sasasa avọ ororokẹ evaọ oghẹrẹ nọ u re ro duobọte udu ahwo nọ a be gaviezọ kẹ owhẹ na.