Yuuz Di Yu Kyan Bi Api Nou An Fi Eva! Buk Fi Elp Piipl Fi Chos Iina Jeuova An Jiizas

Ef dem a-go mek Gad api, wi Baibl stodi dem afi lorn fi chos iina im. (Iib 11:6) Wi kyan yuuz di Yu Kyan Bi Api Nou An Fi Eva! buk fi mek wa wi a se go iina dem aat. Di sitn dem we iina da buk ya a-go elp di sumadi fi riizn pan di sitn dem we dem a lorn. It yuuz di skripcha dem, an it aks som gud kwestiyan. Plos, it av som vidiyo we a-go elp dem fi andastan we dem a lorn, an it av som priti picha tu. Wen wi elp wi Baibl stodi dem fi get kluos tu Gad, an fi liv dem laif di wie ou wan Kristiyan fi liv it, dat a-go elp dem fi tan op chrang.​—1Kor 3:12-15.

Kaaz dem kyaahn si Gad, som piipl fiil se im an dem kyaahn ton fren. So wi niid fi elp dem fi nuo bout Jeuova gud wiez dem, so dat dem kyan get fi chos iina im.

WACH DI VIDIYO YUUZ DI “YU KYAN BI API NOU AN FI EVA!” BUK FI ELP PIIPL FI CHOS IINA JEUOVA, AN DEN ANSA DEM KWESTIYAN YA:

• Ou wi nuo se di sista did go chuu di lesn gud gud so dat shi kuda wel redi fi di stodi?

• Ou di sista did yuuz som kwestiyan we no de iina di buk fi elp di sumadi fi taak bout ou shi riili fiil bout wa shi riid iina Aizaiya 41:10, 13?

• Ou di vidiyo an di Baibl vors dem did elp di Baibl stodi?

Nof piipl no riili andastan wa mek Jiizas did kom ded fi wi, an dem no fiil se Gad a-go paadn dem fi dem sin dem (Gya 2:20) So wi niid fi elp dem fi riili biliiv se Jiizas did kom ded fi wi. An a dat gi wi di chaans fi get paadn fi wi sin dem.

WACH DI VIDIYO YUUZ DI “YU KYAN BI API NOU AN FI EVA!” BUK FI ELP PIIPL FI CHOS IINA JIIZAS, AN DEN ANSA DEM KWESTIYAN YA:

• Ou wi nuo se di breda did go chuu di lesn gud gud so dat im kuda wel redi fi di stodi?

• Ou im did yuuz di paat we niem “Chek Out Som Muo Sitn” fi elp im Baibl stodi?

• Wa mek it impuotant fi wi prie fi wi Baibl stodi dem?