Ou Yu Fi Yuuz Yu Kyan Bi Api Nou An Fi Eva! Fi Du Baibl Stodi

Bifuo yu staat di stodi

1. 

   1. Tek som taim an go chuu di paat we yu a-go du. Wen yu a du dat, tingk bout di sumadi we yu a stodi wid an wa dem mait-a a go chuu, an ou dem luk pan tingz. Chrai an si ef yu si notn we wuda aad fi dem andastan ar aad fi dem du. Luk pan di tingz we de iina di paat we niem “Chek Out Som Muo Sitn” an si wa mait-a de de we kyan elp dem, an mek shuor se yu redi fi yuuz it ef yu afi yuuz it wen yu a du di Baibl stodi.

Wen yu a du di stodi

1. 2. Ef di sumadi na’av no prablem wid it, prie wen yu a staat di stodi an wen yu a-go don.

2. 

   3. Chrai fi no chat tu moch. Yuuz wa de iina di buk an mek dem taak bout ou dem fiil.

3. 4. Wen yu a-go staat wan nyuu paat iina di buk, riid di likl sitn we tel yu bout da paat de an taak likl bit bout di tapik fi som a di lesn dem we unu a-go luk pan.

4. 5. Wen yu a-go don wan a di paat dem, yuuz di sitn we taak bout wa dem did lorn iina da paat de fi elp dem fi memba wa dem did lorn.

5. 6. Wen yu a stodi di difrant difrant lesn dem wid sumadi, du dem tingz ya:

   1. Riid wa de de.

   2. Riid aal a di skripcha dem we maak said-a it se yu fi riid it.

   3. Riid di ada skripcha dem wen yu si se it wuda gud fi riid dem.

   4. 

      Aal a di vidiyo dem we se “Plie,” yu fi plie dem (dat a ef yu kyan get dem).

   5. Aks di sumadi aal a di kwestiyan dem.

   6. Wen yu kech a di paat we niem “Lorn Som Muo,” aks dem fi luk pan di picha dem an fi taak bout dem.

   7. Yuuz di paat we niem “Du Dis” fi elp di sumadi we yu a stodi wid fi si ou dem a gwaan. Yu kyan yuuz di wan we de iina di buk, ar yu kyan fain sitn els fi dem du, ar dem kyan du di tuu a dem.

   8. Aks dem ef dem did si notn iina di paat we niem “Chek Out Som Muo Sitn” we dem did riili laik wen dem did a get redi fi dem Baibl stodi.

   9. Chrai an don wan a di lesn dem evritaim yu du di stodi.

Wen yu don di Baibl stodi

1. 

   7. Gwaan tingk bout di sumadi we yu a stodi wid. Prie an aks Jeuova fi elp dem fi gwaan du wa dem niid fi du an fi elp yu fi nuo wa yu fi du so dat yu kyan gwaan elp dem.