No Fried Fi Tel Dem Wa Dem Niid Fi Nuo

Wa Jiizas Did Du

VIDIYO: Jiizas Karek Wan Rich Yong Man

1. Wach di VIDIYO, ar riid Maak 10:17-22. Den ansa dem kwestiyan ya:

1. Wa a som a di gud wiez we Jiizas mait-a did si se di yong man did av?

2. Fi Jiizas karek di man, wa mek im wuda afi lov im an no fried fi tel im wa im niid fi du?

Wa Wi Lorn Fram Wa Jiizas Did Du?

2. Wi nuo se wi afi shuo se wi lov di sumadi dem we wi a stodi wid. Bot ef dem a-go du wa dem fi du fi ton Jiizas falara, wi no fi fried fi tel dem wa dem niid fi du.

Du Laik Wa Jiizas Did Du

3. Elp dem fi plan fi du tingz fi sorv Jeuova beta an fi si ou dem kyan du dem tingz de.

1. Yuuz di paat we niem “Du Dis” we iina di Yu Kyan Bi Api Nou An Fi Eva! buk.

2. Elp dem fi nuo wa an wa dem fi du so dat dem kyan kom sorv Jeuova.

3. Yu fi big dem op wen yu si se dem a gwaan gud.

4. Chrai fi si wa mait-a mek it aad fi dem kom sorv Jeuova an elp dem diil wid dem tingz de.

1. Aks yuself:

   • ‘Ef dem naa du di sitn dem we dem fi du so dat dem kyan baptaiz, wa mait-a a kaaz dat?’

   • ‘Wa an wa mi kyan du fi elp dem?’

2. Prie an aks Jeuova fi elp yu fi no fried fi tel dem wa dem niid fi du an aks im fi elp yu fi dwi’it iina wan wie we shuo se yu lov dem.

5. Tap du di stodi ef dem naa shuo se dem redi fi du di sitn dem we dem fi du fi ton Jiizas falara.

1. Fi fain out ef yu Baibl stodi a gwaan gud, aks yuself dem kwestiyan ya:

   • ‘Di sumadi a chrai fi du di sitn dem we dem a lorn?’

   • ‘Dem a ga’a di miitn dem an a tel ada piipl bout di tingz we dem a lorn?’

   • ‘Ef a gud wail nou dem a stodi, dem waahn fi ton wan Jeuova Witnis?’

2. Ef di sumadi we yu a stodi wid no waahn fi du di sitn dem we dem a lorn:

   • Aks dem fi tingk bout wa mait-a a mek it aad fi dem dwi’it.

   • Tel dem iina wan nais wie wa mek yu a-go tap stodi wid dem.

   • Mek dem nuo wa an wa dem niid fi du ef dem waahn fi stodi agen.