DIS A OU AAL UU A FALA JIIZAS FI LIV
Jeuova Siev Di Wan Dem We Fiil Laik Dem Taiyad An Waahn Gi Op
Aal a wi fiil sad som a di taim. An a no kaaz wi no chos iina Jeuova mek wi mait-a fiil sad som taim. Jeuova aal mek wi nuo se som a di taim im fiil sad tu. (Ge 6:5, 6) Bot wa ef wi fiil sad bad aal di taim?
Prie tu Jeuova an aks im fi elp yu. Jeuova nuo wen wi api an wen wi sad, an im kier bout ou wi fiil. Im andastan wa mek wi mait-a a tingk an fiil sortn an sortn wie. (Ps 7:9b) Jeuova riili kier bout wi an im kyan elp wi wen taim wi sad bad.—Ps 34:18.
Kip yu main pan gud tingz. Wen wi tingk bout bad tingz it kyan mek wi sad bad, an it kyan mek wi an Jeuova no so kluos agen. So a das wai wi fi ‘tek kier a wi aat an gyaad it’.—Pr 4:23.
WACH DI VIDIYO WA A ELP WI BREDA AN SISTA DEM FI AV PIIS IINA DEM LAIF IIVN DUO DEM SAD BAD, AN DEN ANSA DEM KWESTIYAN YA:
Wa an wa Nikki did du we elp ar wen shi sad bad?
Wa mek Nikki did fiil se shi niid wan dakta fi elp ar?—Mt 9:12
Wa an wa Nikki did du fi shuo se shi a dipen pan Jeuova fi elp ar?