Wi Niid Da Worl Ya Fi Chienj Fi Di Beta!
António Guterres, di man we inchaaj a di Yuunaitid Nieshan did se, “Di worl ful op a bie prablem.” Yu no tingk se dat a chuu?
A bie prablem de pan di nyuuz
Piipl av aal kain-a siknis, an som a dem a pred aal uova di worl
Wi a ier bout orikien an dem ting de
Piipl puor bad, an piipl a ded fi onggri
Piipl a mash op di ort wid dem gyaabij an dem ting de, an di wol plies a get ata an ata
Kraim an koropshan de aal bout
Waar a gwaan aal uova di worl
So yu si, wi niid da worl ya fi chienj fi di beta. Wi niid wan worl we:
Evribadi aati, an nobadi no sik
Evribadi fiil sief, an dem no fried a notn
Wol iip a fuud di de fi evribadi
Nobadi naa mash op di ort, an di plies nais an kliin
Evribadi a chriit dem wan aneda fier
Piipl a liv iina piis evriwe
So, wen wi se wi niid da worl ya fi chienj fi di beta, wa wi riili miin?
Wa a-go apm tu da worl ya?
Wa wi fi du ef wi waahn fi di de wen di worl chienj fi di beta?
Di Baibl gi wi di ansa fi dem kwestiyan ya an som ada wan we wi a-go taak bout iina da Wachtowa ya.