Wa Yu Tingk Bout di Baibl?
Yu tingk se . . .
a wait man buk?
a man rait it?
a di Wod a Gad?
DIS A WA DI BAIBL SE
“Evri wod we iina Gad wod kom fram Gad.”—2 Timoti 3:16, Di Jamiekan Nyuu Testiment.
WA DAT A-GO MIIN FI YU
Yu wi andastan wa mek sortn tingz apm iina laif.—Proverbs 2:1-5, New World Translation.
It shuo yu ou fi diil wid di prablem dem we yu av.—Psalm 119:105.
It shuo yu we Gad a-go du fi yu iina di fyuucha.—Ruoman 15:4.
YU TINGK WI KYAN RIILI BILIIV WA DI BAIBL SE?
Ye. Wa mek? Si chrii riizn ya:
Evri paat a di Baibl kanek op wid di ada paat dem. A 40 difrant man rait di Baibl, an it tek dem 1600 ier fi rait it. Muos a dem neva nuo wan aneda, bot wen yu put evriting we dem rait tugeda, it mek sens.
Yu kyan chos di man dem we rait di Baibl. Wa mek? Kaa dem riil. Dem uon op tu dem mistiek. Dem no chrai kova op tingz we ada piipl wuda kova op jos fi luk gud.
Eniting we di Baibl se a-go apm, it aalwiez apm fi chuu. So laik wen di Baibl se “iina di laas die dem tingz a-go get aad aad,” a dat wi si a apm iivn duo a uova 1900 ier ago dat rait dong.—2 Timoti 3:1-5.
Uol iip a ada tingz we di Baibl se did a-go apm, apm siem wie so. Bot a dat wi wuda ekspek fram Gad Wod. No chuu?—2 Piita 1:21.