Yu Tingk Pien an Sofarin A-go Don wan Die?

DIS A WA DI BAIBL SE

“Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”​—Revilieshan 21:4, Di Jamiekan Nyuu Testiment.

WA DAT A-GO MIIN FI YU

It mek wi nuo fi shuor se a no Gad kaaz wi prablem dem.​—Jiemz 1:13.

Wi kyan fiil gud fi nuo se Gad fiil it fi wi wen wi sofa.​—Zechariah 2:8, New World Translation.

Wi kyan luk faawod fi di taim wen aal a di pien an sofarin a-go don we wid.​—Psalm 37:9-11.

YU TINGK WI KYAN RIILI BILIIV WA DI BAIBL SE?

Ye. Wa mek? Si tuu riizn ya:

• Gad iet fi si wen piipl sofa an wen dem naa get no jostis. Dis a wa di Baibl se Gad du wen im piipl dem did a sofa: “Mi luk an mi si ou mi piipl dem iina Iijip a sofa. Mi ier ou dem a gruon, so mi kom dong fi frii dem.”​—Aks 7:34.

  So Gad kyaahn stan wen piipl du wikidnis tu ada piipl. Di Baibl se, “Gad shuo se im beks an a-go joj aal a di piipl dem . . . we a du aal kain-a wikid sitn.”​—Ruoman 1:18.

• Gad kier bout evri wan a wi. Di Baibl se, “Evriting we unu a wori an fret bout, gi it tu im, kaaz im kier bout unu.”​—1 Piita 5:7.

  Suun suun, Gad a-go yuuz fi im govament fi tek we pien an sofarin fram evri wan a wi. (Matyu 6:9, 10) Miin taim, fram yu a sorv im, im elp yu kuop wen yu a-go chuu aal a yu prablem dem.​—Aks 17:27; 2 Korintiyan 1:3, 4.