Uu Riili A Kanchuol Dis ya Worl ya?

DIS A WA DI BAIBL SE

“Di devl kanchuol di uol worl.”​—1 Jan 5:19.

“Gad Bwai Pikni kom iina di worl, fi mash op di devl wok.”​—1 Jan 3:8, Di Jamiekan Nyuu Testiment.

WA DAT A-GO MIIN FI YU

Yu kyan andastan wa mek di worl ful op a so moch prablem.​—Revilieshan 12:12.

It mek it klier klier se tingz iina di worl a-go get beta.​—1 Jan 2:17.

YU TINGK WI KYAN RIILI BILIIV WA DI BAIBL SE?

Ye. Wa mek? Si chrii riizn ya:

• Sietan fyuucha daak. Jeuova pramis se im a-go “tek we di devl powa an mek im naa no muo powa fi kil nobadi.” An den im a-go fiks bak evriting we di Devl did mash op.​—Iibruu 2:14

• Gad don lain op Jiizas fi ruul di worl. Jiizas no tan notn laik Sietan. Sietan kruwil an wikid an selfish an woklis. Bot Jiizas, im tek taim wid wi; im ombl, an im gi wi res.​—Matyu 11:29.

• Gad kyaahn lai. Di Baibl tel wi se: “Gad kyaahn lai.” (Iibruu 6:18) So eniting we Jeuova se im a-go du, it a-go apm fi chuu. It don sain an siil. (Isaiah 55:10, 11, New World Translation) “Di ruula fi da worl ya gweehn get fling out.”​—Jan 12:31.