1 Babad

20 Ing awal taun,* pas raja-raja padha maju perang, Yoab+ mimpin pertempuran lan nguwasani tanahé wong Ammon. Dhèwèké lunga lan ngepung Raba,+ ning Daud tetep ana ing Yérusalèm.+ Yoab nyerang Raba lan ngremuk kutha kuwi.+ 2 Daud njupuk mahkota saka sirahé Malkam,* terus dienggo ing sirahé Daud. Boboté mahkota kuwi sak talènta* emas, lan mahkota kuwi dihiasi watu-watu sing berharga. Daud ya njupuk akèh banget jarahan saka kutha kuwi.+ 3 Daud nawan wong-wong sing ana ing kana lan ngongkon wong-wong kuwi kerja+ nganggo graji watu, alat-alat wesi sing landhep, lan kapak. Kuwi sing ditindakké Daud marang kabèh kutha-kuthané wong Ammon. Akhiré, Daud lan kabèh prajurité bali menyang Yérusalèm.

4 Bar kuwi, ana perang manèh ing Gèzèr antarané wong Israèl lan wong Filistin. Wektu kuwi, Sibékai+ wong Husya matèni Sipai, yaiku keturunané Réfaim,+ lan wong Filistin dikalahké.

5 Terus ana perang manèh nglawan wong Filistin, lan Èlhanan anaké Yair matèni Lahmi seduluré Goliat+ wong Gat, sing gagang tombaké gedhéné sak kayu penggulung ing alat tenun.+

6 Ana perang manèh ing Gat.+ Ing kana, ana wong lanang sing gedhé banget,+ lan ing saben tangan lan sikilé drijiné ana 6, dadi kabèh drijiné jumlahé 24. Dhèwèké ya keturunané Réfaim.+ 7 Dhèwèké terus-terusan ngécé+ wong Israèl. Mula, Yonatan anaké Syiméa,+ seduluré Daud, matèni dhèwèké.

8 Kuwi kabèh keturunané Réfaim+ ing Gat,+ lan wong-wong kuwi mati ing tangané Daud lan anak buahé.